കുവൈറ്റിലെ സർക്കാർ സേവനങ്ങൾ കൂടുതൽ ലളിതമാക്കുന്നതിന്റെ ഭാഗമായി വീടിന്റെ ഉടമസ്ഥാവകാശ രേഖകൾ (Home Ownership Documents) നൽകുന്നതിനുള്ള പുതിയ ഡിജിറ്റൽ സംവിധാനം ‘സാഹെൽ’ ആപ്പിൽ ആരംഭിച്ചു. കുവൈറ്റ് ക്രെഡിറ്റ് ബാങ്ക്, ഹൗസിങ് അതോറിറ്റി, മുനിസിപ്പാലിറ്റി, നീതിന്യായ മന്ത്രാലയം എന്നിവ സംയുക്തമായാണ് ഈ വിപ്ലവകരമായ പദ്ധതി നടപ്പിലാക്കുന്നത്. ഇതോടെ അപേക്ഷകർക്ക് കടലാസ് ഇടപാടുകളോ വിവിധ ഓഫീസുകൾ കയറിയിറങ്ങലോ ഇല്ലാതെ തന്നെ സ്വന്തം വീടിന്റെ രേഖകൾ ഡിജിറ്റലായി കൈപ്പറ്റാൻ സാധിക്കും. പേപ്പർ രഹിത ഭരണസംവിധാനത്തിലേക്കുള്ള കുവൈറ്റിന്റെ വലിയൊരു ചുവടുവെപ്പായാണ് ഈ നീക്കം വിലയിരുത്തപ്പെടുന്നത്.
പുതിയ സംവിധാനം നിലവിൽ വന്നതോടെ ആവശ്യമായ യോഗ്യതകൾ പൂർത്തിയാക്കുന്ന മുറയ്ക്ക് സിസ്റ്റം തന്നെ രേഖകൾ തയാറാക്കുകയും സാഹെൽ ആപ്പ് വഴി അറിയിപ്പ് നൽകുകയും ചെയ്യും. കരാർ ഒപ്പിടുന്നതിന് മാത്രമായിരിക്കും ഇനി അപേക്ഷകർ നേരിട്ട് എത്തേണ്ടി വരിക. ബാക്കി എല്ലാ നടപടിക്രമങ്ങളും ആപ്പ് വഴി തന്നെ പൂർത്തിയാക്കാം. വിവിധ സർക്കാർ വകുപ്പുകളെ ഒരൊറ്റ പ്ലാറ്റ്ഫോമിൽ ബന്ധിപ്പിച്ചതിലൂടെ നടപടിക്രമങ്ങളിലെ കാലതാമസം ഒഴിവാക്കാനും സുതാര്യത ഉറപ്പാക്കാനും ഈ സ്മാർട്ട് സേവനത്തിലൂടെ സാധിക്കും. വരും ദിവസങ്ങളിൽ കൂടുതൽ സേവനങ്ങൾ ഡിജിറ്റൽ രൂപത്തിൽ ആപ്പിൽ ലഭ്യമാക്കാനാണ് അധികൃതരുടെ തീരുമാനം.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL
കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക
കുവൈറ്റിൽ ഉദ്യോഗസ്ഥർക്കിടയിലും ഇനി ലഹരി പരിശോധന; ആദ്യഘട്ടം ആരംഭിച്ചു
കുവൈത്ത് ആഭ്യന്തര മന്ത്രാലയത്തിന് കീഴിലുള്ള ഉദ്യോഗസ്ഥർക്കിടയിൽ മയക്കുമരുന്ന് ഉൾപ്പെടെയുള്ള ലഹരി വസ്തുക്കളുടെ ഉപയോഗം കണ്ടെത്തുന്നതിനായി റാൻഡം പരിശോധനകൾ ആരംഭിച്ചു. ക്രിമിനൽ എവിഡൻസ് ഡിപ്പാർട്ട്മെന്റിന്റെ നേതൃത്വത്തിലാണ് പരിശോധനകൾ നടക്കുന്നതെന്ന് മന്ത്രാലയം അറിയിച്ചു. ജോലിസ്ഥലങ്ങളിൽ അച്ചടക്കം ശക്തിപ്പെടുത്താനും സുരക്ഷാ സേനാംഗങ്ങൾ സമൂഹത്തിന് മാതൃകയാകുന്ന രീതിയിൽ പ്രവർത്തിക്കുന്നുണ്ടെന്ന് ഉറപ്പാക്കാനും ലക്ഷ്യമിട്ടാണ് ഈ നടപടി. ആഭ്യന്തര മന്ത്രാലയം പുറത്തിറക്കിയ വാർത്താക്കുറിപ്പിലാണ് പദ്ധതിയുടെ വിശദാംശങ്ങൾ വ്യക്തമാക്കിയത്. ആദ്യഘട്ടത്തിൽ പൊലീസ് സ്പോർട്സ് ഫെഡറേഷനിലെ അംഗങ്ങളെയാണ് പരിശോധനയ്ക്ക് വിധേയമാക്കിയത്. ഫെഡറേഷൻ ചെയർമാൻ ബ്രിഗേഡിയർ ജനറൽ ഷെയ്ഖ് മുബാറക് അലി യൂസഫ് അൽ സബാഹ്, ഡെപ്യൂട്ടി ചെയർമാൻ, ബോർഡ് അംഗങ്ങൾ എന്നിവരടക്കം വിവിധ ഉദ്യോഗസ്ഥർ പരിശോധനയിൽ പങ്കെടുത്തു.
മയക്കുമരുന്ന് വിരുദ്ധ പ്രവർത്തനങ്ങൾ ശക്തമാക്കുന്നതിന്റെ ഭാഗമായി നിലവിൽ വന്ന 2025ലെ 159-ാം നമ്പർ നിയമത്തിന്റെ അടിസ്ഥാനത്തിലാണ് റാൻഡം പരിശോധനകൾ നടത്തുന്നതെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയത്തിന്റെ എല്ലാ വിഭാഗങ്ങളിലേക്കും പരിശോധന വ്യാപിപ്പിക്കുമെന്നും ഇതിനായി പ്രത്യേക സമയക്രമം അംഗീകരിച്ചിട്ടുണ്ടെന്നും അധികൃതർ അറിയിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL
