കുവൈറ്റ് സിറ്റി: വിമാന ടിക്കറ്റുകൾ ബുക്ക് ചെയ്യുമ്പോൾ വ്യക്തിഗത വിവരങ്ങളും കോൺടാക്റ്റ് നമ്പറുകളും നൽകുന്നതിൽ അതീവ ജാഗ്രത പാലിക്കണമെന്ന് കുവൈറ്റ് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (DGCA) യാത്രക്കാർക്ക് കർശന നിർദ്ദേശം നൽകി. യാത്രക്കാരുടെ സുരക്ഷയും കൃത്യമായ ആശയവിനിമയവും ഉറപ്പാക്കുന്നതിന്റെ ഭാഗമായാണ് ഈ നീക്കം.

കൃത്യമായ വിവരങ്ങൾ നിർബന്ധം

ടിക്കറ്റ് ബുക്ക് ചെയ്യുന്ന സമയത്ത് യാത്രക്കാർ തങ്ങളുടെ ശരിയായ ഫോൺ നമ്പറും ഇമെയിൽ വിലാസവും നൽകുന്നുണ്ടെന്ന് ഉറപ്പുവരുത്തണം. പലപ്പോഴും ട്രാവൽ ഏജൻസികൾ വഴി ബുക്ക് ചെയ്യുമ്പോൾ ഏജൻസിയുടെ നമ്പറോ അല്ലെങ്കിൽ തെറ്റായ നമ്പറുകളോ ആണ് രേഖപ്പെടുത്താറുള്ളത്. ഇത് ഒഴിവാക്കണമെന്നും യാത്രക്കാരന്റെ നേരിട്ടുള്ള നമ്പറോ അല്ലെങ്കിൽ അടുത്ത ബന്ധുക്കളുടെ നമ്പറോ നൽകണമെന്നും അധികൃതർ ആവശ്യപ്പെട്ടു.

എന്തുകൊണ്ട് ഇത് പ്രധാനമാണ്?

വിമാനങ്ങളുടെ സമയക്രമത്തിൽ മാറ്റം വരികയോ, വിമാനം റദ്ദാക്കുകയോ ചെയ്യുന്ന സാഹചര്യത്തിൽ യാത്രക്കാരെ ഉടനടി വിവരം അറിയിക്കാൻ ഈ വിവരങ്ങൾ അത്യാവശ്യമാണ്. തെറ്റായ നമ്പറുകൾ നൽകുന്നത് മൂലം അടിയന്തര അറിയിപ്പുകൾ യാത്രക്കാരിലേക്ക് എത്തുന്നില്ലെന്നും ഇത് വിമാനത്താവളങ്ങളിൽ വലിയ ആശയക്കുഴപ്പങ്ങൾക്കും യാത്രക്കാർക്ക് ബുദ്ധിമുട്ടുകൾക്കും കാരണമാകുന്നുണ്ടെന്നും സിവിൽ ഏവിയേഷൻ ചൂണ്ടിക്കാട്ടി.

ട്രാവൽ ഏജൻസികൾക്കും നിർദ്ദേശം

യാത്രക്കാരുടെ വിവരങ്ങൾ രേഖപ്പെടുത്തുന്നതിൽ വിട്ടുവീഴ്ച ചെയ്യരുതെന്ന് വിമാന കമ്പനികൾക്കും ട്രാവൽ ഏജൻസികൾക്കും ഡിജിസിഎ നിർദ്ദേശം നൽകിയിട്ടുണ്ട്. യാത്രക്കാരെ കൃത്യസമയത്ത് വിവരം അറിയിക്കാൻ സാധിക്കാത്ത സാഹചര്യം വന്നാൽ അതിന്റെ ഉത്തരവാദിത്തം ബന്ധപ്പെട്ടവർക്കായിരിക്കും.

കുവൈറ്റിലേക്കും തിരിച്ചും യാത്ര ചെയ്യുന്ന എല്ലാ പ്രവാസികളും സ്വദേശികളും ടിക്കറ്റിലെ വിവരങ്ങൾ ഇരട്ടിപ്പൊപ്പു വരുത്തണമെന്നും, യാത്രയ്ക്ക് മുൻപായി വിമാന കമ്പനികളിൽ നിന്ന് ലഭിക്കുന്ന സന്ദേശങ്ങൾ ശ്രദ്ധിക്കണമെന്നും അധികൃതർ ഓർമ്മിപ്പിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL

കുവൈത്തിൽ വാഹനാപകടം: പ്രവാസി മലയാളി വനിതയ്ക്ക് ദാരുണാന്ത്യം

കുവൈത്ത് സിറ്റി: കുവൈത്തിലുണ്ടായ വാഹനാപകടത്തിൽ ആലപ്പുഴ സ്വദേശിയായ മലയാളി വനിത മരണപ്പെട്ടു. എഴുപുന്ന പെരേപ്പറമ്പിൽ പരേതനായ വിശ്വനാഥൻ നായരുടെ ഭാര്യ ശാരദാ ദേവി (64) ആണ് മരിച്ചത്. ഞായറാഴ്ച വൈകുന്നേരം ഫ്യൂണൈറ്റീസ് ഏരിയയിലായിരുന്നു അപകടം സംഭവിച്ചത്.

കുവൈത്തിലെ മലയാളി പ്രവാസി സമൂഹത്തിനിടയിൽ ഏറെ സുപരിചിതയായിരുന്നു ശാരദാ ദേവി. ‘പ്രയാണം’ കുവൈത്ത് ഇന്ത്യൻ അസോസിയേഷൻ മംഗഫ് യൂണിറ്റ് കൺവീനറായി മികച്ച രീതിയിൽ അവർ പ്രവർത്തിച്ചിരുന്നു. സാമൂഹിക-സാംസ്കാരിക രംഗങ്ങളിലെ സജീവ സാന്നിധ്യമായിരുന്ന അവരുടെ വേർപാട് പ്രവാസി സമൂഹത്തെ ഏറെ സങ്കടത്തിലാഴ്ത്തിയിട്ടുണ്ട്.

നിലവിൽ അദാൻ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം, നിയമനടപടികൾ പൂർത്തിയാക്കി എത്രയും വേഗം നാട്ടിലേക്ക് കൊണ്ടുപോകാനുള്ള ശ്രമങ്ങൾ നടന്നുവരികയാണ്. പ്രയാണം കുവൈത്ത് ഇന്ത്യൻ അസോസിയേഷൻ ഭാരവാഹികളും സാമൂഹിക പ്രവർത്തകൻ സമീർ കാസീമും ഇതിനായുള്ള നടപടികൾക്ക് നേതൃത്വം നൽകുന്നു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

1500 രൂപയുടെ കൂപ്പൺ, ഒന്നാം സമ്മാനം സ്വന്തം വീട്, രണ്ടാം സമ്മാനം ഥാർ; ഭാര്യയുടെ ചികിത്സക്ക് പണം കണ്ടെത്താൻ ലോട്ടറി, ഒടുവിൽ മുൻ പ്രവാസി അറസ്റ്റിൽ

കണ്ണൂർ: അർബുദബാധിതയായ ഭാര്യയുടെ ചികിത്സാച്ചെലവ് കണ്ടെത്താനും ബാധ്യതകൾ തീർക്കാനുമായി തന്റെ ഏക സമ്പാദ്യമായ വീടും സ്ഥലവും ഒന്നാം സമ്മാനമായി പ്രഖ്യാപിച്ച് നറുക്കെടുപ്പ് നടത്തിയ പ്രവാസി മലയാളി അറസ്റ്റിലായി. അടയ്ക്കാത്തോട് കാട്ടുപാലം സ്വദേശിയായ ബെന്നി തോമസിനെയാണ് കേളകം പോലീസ് പിടികൂടിയത്. സ്വകാര്യ നറുക്കെടുപ്പുകൾ നടത്തുന്നത് നിയമവിരുദ്ധമാണെന്ന് കാട്ടി സംസ്ഥാന ഭാഗ്യക്കുറി വകുപ്പ് നൽകിയ പരാതിയിലാണ് നടപടി.

മുപ്പത്തിയഞ്ച് വർഷം സൗദി അറേബ്യയിലെ റിയാദിൽ ജോലി ചെയ്ത് ബെന്നി സമ്പാദിച്ച 26 സെന്റ് സ്ഥലവും ഏഴ് മുറികളുള്ള 3300 സ്ക്വയർ ഫീറ്റ് ഇരുനില വീടുമായിരുന്നു നറുക്കെടുപ്പിലെ ഒന്നാം സമ്മാനം. 1500 രൂപയുടെ കൂപ്പൺ വഴി ഒന്നാം സമ്മാനത്തിന് പുറമെ മഹീന്ദ്ര ഥാർ, കാർ, റോയൽ എൻഫീൽഡ് ബുള്ളറ്റ് എന്നിവയും സമ്മാനമായി പ്രഖ്യാപിച്ചിരുന്നു.

റിയാദിൽ സ്പെയർ പാർട്സ് ബിസിനസ് നടത്തിയിരുന്ന ബെന്നിയുടെ വീഴ്ച തുടങ്ങുന്നത് കോവിഡ് കാലത്താണ്. നാട്ടിൽ കൃഷി ആവശ്യത്തിനായി എടുത്ത 55 ലക്ഷം രൂപയുടെ വായ്പയും ബിസിനസിലെ തിരിച്ചടികളും അദ്ദേഹത്തെ തളർത്തി. ഇതിനിടെ സ്പോൺസർ മരിച്ചതും ബിസിനസ് പങ്കാളി ചതിച്ചതും മൂലം വിസ നഷ്ടപ്പെട്ട് ബെന്നിക്ക് നാട്ടിലേക്ക് മടങ്ങേണ്ടി വന്നു. തിരിച്ചടികൾക്കിടയിലാണ് ഭാര്യയ്ക്ക് അർബുദം ബാധിക്കുന്നത്. ഓരോ 21 ദിവസത്തെ ചികിത്സയ്ക്കും ലക്ഷങ്ങൾ വേണ്ടിവന്നതോടെ കടബാധ്യത 85 ലക്ഷം രൂപയായി വർദ്ധിച്ചു. ബാങ്ക് ജപ്തി നടപടികളുമായി മുന്നോട്ട് പോയതോടെ വീട് വിൽക്കാൻ ശ്രമിച്ചെങ്കിലും കൃത്യമായ വില ലഭിച്ചില്ല. ഈ ഗതികേടിലാണ് നറുക്കെടുപ്പിലൂടെ പണം കണ്ടെത്താൻ ബെന്നി തീരുമാനിച്ചത്.

കഴിഞ്ഞ മാർച്ചിൽ ആരംഭിച്ച കൂപ്പൺ വിൽപനയുടെ നറുക്കെടുപ്പ് നടക്കാൻ ദിവസങ്ങൾ ബാക്കിനിൽക്കെയാണ് പോലീസ് ഇടപെടൽ ഉണ്ടായത്. തിങ്കളാഴ്ച രാവിലെ ബെന്നിയുടെ വീട്ടിൽ റെയ്ഡ് നടത്തിയ പോലീസ് വിൽക്കാത്ത കൂപ്പണുകൾ പിടിച്ചെടുക്കുകയും അദ്ദേഹത്തെ കസ്റ്റഡിയിൽ എടുക്കുകയുമായിരുന്നു. കോടതിയിൽ ഹാജരാക്കിയ ബെന്നിയെ നിലവിൽ റിമാൻഡ് ചെയ്തിരിക്കുകയാണ്. നിയമം ലംഘിക്കപ്പെട്ടെങ്കിലും, ചികിത്സയ്ക്കും നിലനിൽപ്പിനും വേണ്ടി ഒരു മനുഷ്യൻ നടത്തിയ അവസാനത്തെ പോരാട്ടവും പരാജയപ്പെട്ടതിന്റെ വേദനയിലാണ് നാട്ടുകാർ.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL