കുവൈറ്റിലെ ഉപഭോക്തൃ വില സൂചിക (പണപ്പെരുപ്പം) ഓഗസ്റ്റ് മാസത്തിൽ വാർഷിക അടിസ്ഥാനത്തിൽ 2.39 ശതമാനം വർധിച്ചതായി സെൻട്രൽ സ്റ്റാറ്റിസ്റ്റിക്കൽ ബ്യൂറോ (CSB) അറിയിച്ചു. ജൂലൈ മാസത്തെ അപേക്ഷിച്ച് 0.07 ശതമാനം വർധനവാണ് രേഖപ്പെടുത്തിയതെന്നും അധികൃതർ വ്യക്തമാക്കി. കുവൈത്ത് ന്യൂസ് ഏജൻസിക്ക് (KUNA) നൽകിയ റിപ്പോർട്ടിൽ, വിവിധ ഉപഭോക്തൃ വിഭാഗങ്ങളിലെ വിലക്കയറ്റമാണ് വാർഷിക പണപ്പെരുപ്പ വർധനവിന് കാരണമെന്ന് CSB വ്യക്തമാക്കി. ഭക്ഷ്യവസ്തുക്കൾ, പാനീയങ്ങൾ, ആരോഗ്യസംരക്ഷണം, വസ്ത്രങ്ങൾ, ഭവന സേവനങ്ങൾ, വീട്ടുപകരണങ്ങൾ, ആശയവിനിമയം, വിനോദം, വിദ്യാഭ്യാസം, റെസ്റ്റോറന്റുകൾ, ഹോട്ടലുകൾ, മറ്റ് സാധനങ്ങളും സേവനങ്ങളും തുടങ്ങിയ പ്രധാന മേഖലകളിൽ വില ഉയർന്നതായി റിപ്പോർട്ടിൽ പറയുന്നു.
ഓഗസ്റ്റ് മാസത്തിൽ ഭക്ഷ്യപാനീയങ്ങളുടെ വില പ്രതിവർഷം 6.02 ശതമാനം വർധിച്ചു. പുകയില ഉൽപ്പന്നങ്ങളുടെ വിലയിൽ 0.07 ശതമാനവും വസ്ത്രങ്ങളുടെ വിലയിൽ 3.11 ശതമാനവും ഉയർച്ച രേഖപ്പെടുത്തി. ഭവന സേവനങ്ങളുടെ വില 0.98 ശതമാനവും വീട്ടുപകരണങ്ങളുടെ വില 3.08 ശതമാനവും വർധിച്ചപ്പോൾ, ആരോഗ്യ മേഖലയിലെ വിലവർധന 2.77 ശതമാനമായിരുന്നു. അതേസമയം, ആശയവിനിമയ മേഖലയിൽ 0.48 ശതമാനവും വിനോദ-സാംസ്കാരിക രംഗത്ത് 1.61 ശതമാനവും വിദ്യാഭ്യാസത്തിൽ 0.71 ശതമാനവും റെസ്റ്റോറന്റ് സേവനങ്ങളിൽ 1.86 ശതമാനവും മറ്റ് സാധനങ്ങളും സേവനങ്ങളും 4.32 ശതമാനവും വിലവർധന രേഖപ്പെടുത്തി. 2024 ഓഗസ്റ്റിനെ അപേക്ഷിച്ച് ഗതാഗത മേഖലയിലെ വില 1.75 ശതമാനം കുറഞ്ഞതായും CSB റിപ്പോർട്ട് ചെയ്യുന്നു. ഭക്ഷ്യപാനീയങ്ങൾ ഒഴിവാക്കിയുള്ള കുവൈറ്റിലെ പണപ്പെരുപ്പം ഓഗസ്റ്റിൽ വാർഷികമായി 1.53 ശതമാനവും മുൻ മാസത്തെ അപേക്ഷിച്ച് 0.07 ശതമാനവും വർധിച്ചതായും ബ്യൂറോ അറിയിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL
കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക
ഭക്ഷ്യ ട്രക്കുകളിൽ കടത്താന് ശ്രമിച്ചത് ദശലക്ഷക്കണക്കിന് കള്ളനോട്ടുകള്; കുവൈത്തില് അറസ്റ്റ്
സംഘടിത കുറ്റകൃത്യങ്ങൾക്ക് എതിരായ നടപടി ശക്തമാക്കുന്നതിനായുള്ള കുവൈത്തിന്റെ ജാഗ്രതയുടെ ഭാഗമായി, ക്രിമിനൽ സെക്യൂരിറ്റി മേഖലയുടെ കള്ളനോട്ട് വിരുദ്ധ വിഭാഗം വലിയ കള്ളനോട്ട് റാക്കറ്റിനെ പിടികൂടി. അറബ് പൗരന്മാരടങ്ങിയ സംഘം രാജ്യത്ത് ദശലക്ഷക്കണക്കിന് വ്യാജ യു.എസ്. ഡോളർ കടത്തുകയും വിതരണം ചെയ്യുകയും ചെയ്തതിനെ തുടര്ന്നാണ് ഇവർ അറസ്റ്റിലായത്. മറ്റൊരു അറബ് രാജ്യത്താണ് ഈ വ്യാജ നോട്ടുകൾ നിർമ്മിച്ചതെന്ന് അന്വേഷണം കണ്ടെത്തി. പ്രാദേശിക വിപണിയിൽ ഇവ എത്തിച്ച് ദേശീയ സമ്പദ്വ്യവസ്ഥയ്ക്ക് വലിയ നഷ്ടം വരുത്തുക എന്നതായിരുന്നു സംഘത്തിന്റെ ലക്ഷ്യമെന്ന് സുരക്ഷാ ഉദ്യോഗസ്ഥർ വ്യക്തമാക്കി.
100,000 യു.എസ്. ഡോളർ വിലമതിക്കുന്ന കള്ളനോട്ടുകൾ വെറും 16,000 കുവൈത്തി ദിനാറിന്—ഏകദേശം 50 ശതമാനത്തിലേറെ ഇളവിൽ—വിൽക്കാൻ ഒരാൾ ശ്രമിക്കുന്നുവെന്ന രഹസ്യവിവരത്തെ തുടർന്ന് അന്വേഷണം ആരംഭിക്കുകയായിരുന്നു. കള്ളനോട്ട് വിരുദ്ധ വിഭാഗം രഹസ്യവിവരദാതാവിനെ ഉപയോഗിച്ച് കെണിയൊരുക്കി. ഇതുവഴി മുഖ്യപ്രതിയായ 1993-ൽ ജനിച്ച എ.എ.സെഡ് (A.A.Z.) അറസ്റ്റിലായി. ഇയാളിൽ നിന്ന് വ്യാജ നോട്ടുകൾ പിടിച്ചെടുത്തു. തുടര്ന്ന് വസതിയിൽ നടത്തിയ പരിശോധനയിൽ ലക്ഷക്കണക്കിന് യു.എസ്. ഡോളറിന്റെ കള്ളനോട്ടുകൾ കൂടി കണ്ടെത്തിയതായി അധികൃതർ സ്ഥിരീകരിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL
