KUWAITVARTHAKAL

കുവൈത്ത് സിറ്റി: ജാബർ കോസ്‌വേയിൽ വെച്ച് ട്രാഫിക് നിയമലംഘനത്തിന് അറസ്റ്റിലായ യുവാവ് മയക്കുമരുന്ന് നിയന്ത്രണ ജനറൽ വിഭാഗം (DCGD) തിരയുന്ന പിടികിട്ടാപ്പുള്ളിയാണെന്ന് തെളിഞ്ഞു.

സുരക്ഷാ വൃത്തങ്ങൾ നൽകുന്ന വിവരമനുസരിച്ച്, ജാബർ കോസ്‌വേയിൽ പട്രോളിങ് നടത്തുകയായിരുന്ന ഉദ്യോഗസ്ഥർ ട്രാഫിക് നിയമലംഘനം നടത്തിയ ഒരു വാഹനത്തെ തടഞ്ഞുനിർത്തി. ഡ്രൈവറുടെ രേഖകൾ പരിശോധിച്ചപ്പോഴാണ് ഇയാൾ മയക്കുമരുന്ന് കേസിൽ DCGD-യുടെ ലിസ്റ്റിലുള്ള വ്യക്തിയാണെന്ന് മനസ്സിലായത്. തുടർന്ന് ഇയാളെ ബന്ധപ്പെട്ട അധികാരികൾക്ക് കൈമാറി.

പിടികിട്ടാപ്പുള്ളികളെയും നിയമലംഘകരെയും പിടികൂടാനായി സുരക്ഷാ ഉദ്യോഗസ്ഥർ ജാബർ കോസ്‌വേയിൽ രാപകൽ നിരീക്ഷണം തുടരുകയാണെന്ന് അധികൃതർ അറിയിച്ചു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

കുവൈത്ത് വിമാനത്താവളത്തിൽ വൻ കുതിപ്പ്: ലോകോത്തര നിലവാരമുള്ള മൂന്നാം റൺവേ ഈ മാസം തുറക്കും

കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിലെ (Kuwait International Airport) മൂന്നാമത്തെ റൺവേയും പുതിയ എയർ ട്രാഫിക് കൺട്രോൾ ടവറും ഈ മാസം ഒക്ടോബർ 30 മുതൽ പ്രവർത്തനമാരംഭിക്കും. ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (DGCA) അധികൃതരാണ് ഈ സുപ്രധാന പ്രഖ്യാപനം നടത്തിയത്.

വിമാനത്താവളത്തിന്റെ അടിസ്ഥാന സൗകര്യ വികസന പദ്ധതികളിലെ ഏറ്റവും സുപ്രധാനമായ ഘട്ടമാണ് മൂന്നാം റൺവേയുടെ നിർമ്മാണത്തിലൂടെ പൂർത്തിയാക്കിയതെന്ന് DGCA പ്ലാനിംഗ് ആൻഡ് പ്രോജക്ട്‌സ് വിഭാഗം ഡെപ്യൂട്ടി ഡയറക്ടർ ജനറൽ സാദ് അൽ ഒതൈബി അറിയിച്ചു.

പ്രത്യേകതകൾ: 4.4 കിലോമീറ്റർ നീളമുള്ള ഈ പുതിയ റൺവേ, രൂപകൽപ്പനയുടെയും സാങ്കേതിക നിലവാരത്തിന്റെയും കാര്യത്തിൽ ലോകത്തിലെ ഏറ്റവും മികച്ച ഒന്നായിട്ടാണ് കണക്കാക്കപ്പെടുന്നത്.

ചരിത്രപരമായ നേട്ടം: തുടർച്ചയായ നാല് വർഷത്തെ പ്രയത്നത്തിനൊടുവിലാണ് പദ്ധതി പൂർത്തിയാക്കിയത്. ഇത് കുവൈത്തി വ്യോമഗതാഗത മേഖലയുടെ ചരിത്രത്തിലെ ഗുണപരമായ ഒരു വഴിത്തിരിവാണെന്നും അൽ ഒതൈബി അഭിപ്രായപ്പെട്ടു.

പുതിയ റൺവേയുടെയും കൺട്രോൾ ടവറിന്റെയും ഉദ്ഘാടനത്തോടൊപ്പം വിമാനത്താവളത്തിൽ മറ്റ് നിരവധി സുപ്രധാന പദ്ധതികൾക്കും തുടക്കമിടുമെന്ന് DGCA വ്യക്തമാക്കി. പദ്ധതി പൂർത്തിയാക്കാൻ സഹായിച്ച എല്ലാ വിഭാഗങ്ങൾക്കും അദ്ദേഹം നന്ദി അറിയിച്ചു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

ഇനി തണുത്ത് വിറയ്ക്കാം! കുവൈത്തിൽ താപനില കുറയുന്നു

കുവൈത്ത് സിറ്റി: രാജ്യത്ത് ഉയർന്ന താപനിലയിൽ ഗണ്യമായ കുറവ് രേഖപ്പെടുത്തി. നിലവിൽ താപനില 40 ഡിഗ്രി സെൽഷ്യസിന് താഴെ എത്തിയിട്ടുണ്ട്. വരും ദിവസങ്ങളിൽ താപനില ക്രമാനുഗതമായി കുറഞ്ഞ് സുഖകരമായ കാലാവസ്ഥയിലേക്ക് പ്രവേശിക്കുമെന്ന് കാലാവസ്ഥാ വകുപ്പ് അറിയിച്ചു.

രാവിലെയും രാത്രിയും കുവൈറ്റിൽ ഇപ്പോൾ സുഖകരമായ കാലാവസ്ഥയാണ് അനുഭവപ്പെടുന്നത്. ഇന്ത്യൻ മൺസൂൺ ന്യൂനമർദ്ദത്തിന്റെ ദുർബലമായ വ്യാപനവും, ചൂടും ഈർപ്പവുമുള്ള വാ​യു പിണ്ഡവും രാജ്യത്തെ ബാധിച്ചതാണ് നിലവിലെ മാറ്റങ്ങൾക്ക് കാരണമെന്ന് കാലാവസ്ഥാ വകുപ്പ് ഡയറക്ടർ ധരാർ അൽ അലി പറഞ്ഞു.

വരും ദിവസങ്ങളിലെ കാലാവസ്ഥാ പ്രവചനം:

മഴ സാധ്യത: ഈ മാസം അവസാനത്തിലും അടുത്ത മാസം തുടക്കത്തിലും ഒറ്റപ്പെട്ട മഴക്ക് സാധ്യതയുണ്ട്. ഇതിനുശേഷം രാജ്യം തണുപ്പ് സീസണിലേക്ക് പ്രവേശിക്കും.

വെള്ളിയാഴ്ച: പകൽ പ്രതീക്ഷിക്കുന്ന പരമാവധി താപനില 35 മുതൽ 37 ഡിഗ്രി സെൽഷ്യസ് വരെയാണ്. രാത്രിയിലെ ഏറ്റവും കുറഞ്ഞ താപനില 21 മുതൽ 23 ഡിഗ്രി സെൽഷ്യസ് വരെയാകാം.

വടക്കുപടിഞ്ഞാറൻ കാറ്റ് നേരിയതോ മിതമായതോ ആകും. കാറ്റ് മണിക്കൂറിൽ 12 മുതൽ 50 കിലോമീറ്റർ വരെ വേഗതയിൽ വീശാനും പൊടിക്കാറ്റിനും സാധ്യതയുണ്ട്. വൈകുന്നേരം കാലാവസ്ഥ മെച്ചപ്പെടും.

ശനിയാഴ്ച: പകൽ പരമാവധി താപനില 34 മുതൽ 36 ഡിഗ്രി സെൽഷ്യസ് വരെ പ്രതീക്ഷിക്കുന്നു. കുറഞ്ഞ താപനില 19 മുതൽ 21 ഡിഗ്രി സെൽഷ്യസ് വരെയാകും. വടക്ക് പടിഞ്ഞാറൻ കാറ്റ് നേരിയതോ മിതമായതോ ആയ വേഗതിയിൽ വീശും. കടൽ പൊതുവെ ശാന്തമായിരിക്കും.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c