പൊതു നിയമങ്ങൾ ലംഘിക്കുകയും അശ്ലീലത പ്രോത്സാഹിപ്പിക്കുകയും ചെയ്ത കുറ്റത്തിന് ഒരു കുവൈത്ത് പൗരന് ക്രിമിനൽ കോടതി മൂന്ന് വർഷം കഠിന തടവും 5,000 കുവൈത്ത് ദിനാർ (ഏകദേശം 13.5 ലക്ഷം ഇന്ത്യൻ രൂപ) പിഴയും ശിക്ഷ വിധിച്ചു.

പ്രതി തന്റെ സ്നാപ്ചാറ്റ് അക്കൗണ്ട് വഴി പോസ്റ്റ് ചെയ്ത വീഡിയോ ക്ലിപ്പുകളിലൂടെയാണ് അനാശാസ്യ പ്രവർത്തനങ്ങൾ നടത്തിയത്. ആഭ്യന്തര മന്ത്രാലയത്തിന്റെയും സൈബർക്രൈം വിഭാഗത്തിന്റെയും രഹസ്യാന്വേഷണ റിപ്പോർട്ടുകളുടെയും ഓഡിയോ-വീഡിയോ ക്ലിപ്പുകളുടെയും അടിസ്ഥാനത്തിലാണ് ഇയാൾ കുറ്റക്കാരനാണെന്ന് കണ്ടെത്തിയത്.

പ്രതിയുടെ ഈ പ്രവൃത്തി സമൂഹത്തിന്റെ മൂല്യങ്ങളെ ലംഘിക്കുകയും നിയമത്തിന്റെ ഗുരുതരമായ ലംഘനമാവുകയും ചെയ്തതുകൊണ്ടാണ് കോടതി ഇത്രയും ശക്തമായ ശിക്ഷ വിധിച്ചത്. ഇത്തരം പ്രവർത്തനങ്ങൾ തടയുന്നതിനും സമൂഹത്തിന്റെ ധാർമ്മിക മൂല്യങ്ങൾ സംരക്ഷിക്കുന്നതിനും ഇത് ആവശ്യമാണെന്ന് കോടതി നിരീക്ഷിച്ചു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t