KUWAITVARTHAKAL

കുവൈറ്റിലെ ഇലക്ട്രോണിക് സേവനങ്ങൾക്കായുള്ള സർക്കാർ ഏകീകൃത ആപ്ലിക്കേഷനായ ‘സഹേൽ’ (Sahl) ജനറൽ ഫയർ ഫോഴ്‌സിന്‍റെ സേവനങ്ങൾ ലഭ്യമാക്കി തുടങ്ങി. ജനറൽ ഫയർ ഫോഴ്‌സ് കോഴ്‌സുകളിലേക്ക് രജിസ്റ്റർ ചെയ്യാനുള്ള സൗകര്യമാണ് ഇതുവഴി ലഭ്യമായിട്ടുള്ളതെന്ന് ആപ്പിന്‍റെ ഔദ്യോഗിക വക്താവ് യൂസഫ് കാസിം അബ്ബാസ് അറിയിച്ചു. ‘സഹേൽ’ ആപ്ലിക്കേഷനിലെ “സർവീസസ്” (Services) മെനുവിൽ ഇപ്പോൾ ജനറൽ ഫയർ ഫോഴ്‌സിന്റെ സേവനങ്ങളും ലഭ്യമാണ്. ഇതിലെ “ഫയർ ഫോഴ്‌സ് ട്രെയിനിംഗ് മാനേജ്‌മെന്റ് സർവീസസ്” (Fire Force Training Management Management Services) വിഭാഗത്തിലൂടെ ജനറൽ ഫയർ ഫോഴ്‌സ് കോഴ്‌സുകളിലേക്ക് രജിസ്റ്റർ ചെയ്യാൻ സാധിക്കും. കൂടാതെ, പ്രവേശനത്തിനുള്ള അപേക്ഷ സമർപ്പിക്കാനും, അപേക്ഷയുടെ നിലവിലെ സ്ഥിതി അന്വേഷിക്കാനും, ആവശ്യമെങ്കിൽ മാറ്റങ്ങൾ വരുത്താനും ഉപയോക്താക്കൾക്ക് ഈ ആപ്ലിക്കേഷൻ വഴി നേരിട്ട് സാധിക്കുമെന്ന് കാസിം വിശദീകരിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t