കുവൈത്തിലേക്ക് പുറപ്പെട്ട വിമാനത്തിൽ അപ്രതീക്ഷിത സംഭവം; അടിയന്തര ഇടപെടൽ, ലാൻഡ് ചെയ്ത ഉടൻ യാത്രക്കാ‍രൻ കസ്റ്റഡിയിൽ
ബഹ്റൈനിൽ നിന്ന് പുറപ്പെട്ട ഗൾഫ് എയർ വിമാനത്തിൽ അതിക്രമം കാണിച്ച ജിസിസി പൗരനെ കസ്റ്റഡിയിലെടുത്തു. ബഹ്റൈനിൽ നിന്ന് കുവൈത്തിലേക്ക് പുറപ്പെട്ട ജിഎഫ് 213 വിമാനത്തിലാണ് സംഭവം.അതിക്രമം കാണിച്ച ജിസിസി പൗരനായ യാത്രക്കാരനെയാണ് കസ്റ്റഡിയിലെടുത്തത്. സംഭവത്തെ തുടർന്ന് കൂടുതൽ മുൻകരുതൽ, സുരക്ഷാ നടപടികൾ സ്വീകരിച്ചു. വിമാനം കുവൈത്ത് അന്താരാഷ്ട്ര വിമാനത്താവളത്തിലെത്തിയപ്പോൾ, കുവൈത്തിലെ ബന്ധപ്പെട്ട അധികൃതരുടെ സഹായത്തോടെയാണ് യാത്രക്കാരനെ കസ്റ്റഡിയിലെടുത്തത്.
എല്ലാ യാത്രക്കാരെയും സുരക്ഷിതമായി വിമാനത്തിൽ നിന്നിറക്കി. യാത്രക്കാരുടെയും ജീവനക്കാരുടെയും സുരക്ഷയും ക്ഷേമവുമാണ് തങ്ങളുടെ മുൻഗണനയെന്ന് ഗൾഫ് എയർ പ്രസ്താവനയിൽ അറിയിച്ചു. യാത്രക്കാർക്കുണ്ടായ അസൗകര്യത്തിൽ എയർലൈൻ ഖേദം പ്രകടിപ്പിച്ചു. അപ്രതീക്ഷിത സാഹചര്യം കൈകാര്യം ചെയ്യുന്നതിലും സുരക്ഷ ഉറപ്പാക്കുന്നതിലും കുവൈത്ത് അധികൃതരുടെ പ്രൊഫഷണലിസത്തിനും സമയോചിതമായ ഇടപെടലിനും ഗൾഫ് എയർ നന്ദി അറിയിച്ചു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx
Comments (0)