അബുദാബി: അബുദാബി ബിഗ് ടിക്കറ്റിന്റെ 257-ാമത് സീരീസ് ലൈവ് നറുക്കെടുപ്പിൽ രണ്ട് കോടി ദിർഹം (45 കോടിയിലേറെ ഇന്ത്യൻ രൂപ) സ്വന്തമാക്കി പ്രവാസി. 25 വർഷമായി യുഎഇയിൽ താമസിക്കുന്ന സിറിയക്കാരനാ.യ അസ്മി മറ്റേനിയസ് ഹുറാനി ആണ് സ്വപ്ന വിജയം സ്വന്തമാക്കിയത്. 100 തവണയിലേറെ ബിഗ് ടിക്കറ്റിൽ പങ്കെടുത്തിട്ടും സമ്മാനങ്ങൾ നേടാൻ കഴിയാതെ വന്നതോടെ അവസാനമായി ഒരു തവണ കൂടി ഭാഗ്യം പരീക്ഷിക്കാൻ താൻ തീരുമാനിക്കുകയായിരുന്നെന്ന് അസ്മി ബിഗ് ടിക്കറ്റ് പ്രതിനിധികളോട് പറഞ്ഞു. അവസാനമായി വാങ്ങിയ ടിക്കറ്റ് ജീവിതം മാറ്റിമറിക്കുന്ന സമ്മാനമാണ് ഫോൺ കോൾ രൂപത്തിൽ അസ്മിയെ തേടിയെത്തിയത്. ജർമ്മനിയിലേക്കുള്ള യാത്രക്കിടെ അബുദാബി അന്താരാഷ്ട്ര വിമാനത്താവളത്തിൽ നിന്നാണ് ഇദ്ദേഹം സമ്മാനാർഹമായ ടിക്കറ്റ് വാങ്ങിയത്. സമ്മാനത്തുക എങ്ങനെ വിനിയോഗിക്കണമെന്ന കാര്യത്തിൽ തീരുമാനം എടുത്തിട്ടില്ലെന്നും തുകയിൽ ഒരു ഭാഗം നിക്ഷേപത്തിനായി ഉപയോഗിക്കുമെന്നുമാണ് അസ്മി പറയുന്നത്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/BdEUVYckn5p0PUvD1biBVR
