കുവൈത്ത് സിറ്റി: ഈ വർഷം തായ്ലാൻഡിൽ ചികിത്സയ്ക്കും സന്ദർശനത്തിനുമായി എത്തിയ വിദേശികളിൽ bangkok tailandഒന്നാം സ്ഥാനത്തെത്തി കുവൈത്തികൾ. തായ്ലൻഡ് ആരോഗ്യ മന്ത്രാലയവുമായി സഹകരിച്ച് സെൻട്രൽ ബാങ്ക് ഓഫ് തായ്ലൻഡ് നടത്തിയ പഠനത്തിലാണ് ഈ കണക്കുകളുള്ളത്. കഴിഞ്ഞ വർഷത്തെ അപേക്ഷിച്ച് വിദേശികളായ വിനോദ സഞ്ചാരികളുടെ എണ്ണത്തിൽ ഈ വർഷം 47 ശതമാനം വർദ്ധനവ് ഉണ്ടായിട്ടുണ്ടെന്നാണ് കണ്ടെത്തൽ. കഴിഞ്ഞ വർഷം തായിലാന്റിലെ വിവിധ ആശുപത്രികളിൽ വിദേശികൾ ചികിത്സയ്ക്കായി ചെലവഴിച്ചത് 11.9 ബില്യൺ തായ് ബാറ്റ് (ഏകദേശം 344 മില്യൺ ഡോളർ) ആണെന്നും കണക്കുകളിൽ വ്യക്തമാക്കുന്നുണ്ട്. കുവൈത്തിൽ നിന്നുള്ള രോ​ഗികളാണ് ഇവിടെ കൂടുതലായും എത്തുന്നത്. കൂടാതെ കംബോഡിയ, മ്യാൻമർ, ജപ്പാൻ, ചൈന എന്നിവിടങ്ങളിൽ നിന്നുള്ളവരും ധാരാളമായി എത്തുന്നുണ്ട്. അസ്ഥി, സന്ധി രോഗങ്ങൾക്കും ഹൃദ്രോഗം, രക്തക്കുഴലുകളുമായി ബന്ധപ്പെട്ട രോഗങ്ങൾക്കും , ദന്ത രോഗങ്ങൾക്കും ,ദഹന പ്രശ്നങ്ങക്കും ചികിത്സ തേടിയാണ് കൂടുതൽ പേരും എത്തുന്നതെന്നാണ് കണ്ടെത്തൽ.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/DYDPb48irAhIqIs6JJUM0q