കുവൈറ്റ് സിറ്റി: കുവൈത്തിൽ വെള്ളിയാഴ്ചയിലെ കാലാവസ്ഥ പകൽ ചൂടുള്ളതും ഭാഗികമായി cold climate മേഘാവൃതവും രാത്രിയിൽ തണുപ്പുള്ളതുമായിരിക്കുമെന്ന് കാലാവസ്ഥാ നിരീക്ഷണ കേന്ദ്രത്തിലെ കാലാവസ്ഥാ നിരീക്ഷകൻ അബ്ദുൽ അസീസ് അൽ ഖറാവി പറഞ്ഞു. അതോടൊപ്പം തന്നെ ഇന്ന് വടക്കുകിഴക്കൻ കാറ്റിന്റെ വേഗത മണിക്കൂറിൽ 8 കിലോമീറ്ററിനും 35 കിലോമീറ്ററിനും ഇടയിൽ ആയിരിക്കും.ചില പ്രദേശങ്ങളിൽ മഴ പെയ്യാനും സാധ്യതയുണ്ട്. ഇന്ന് പ്രതീക്ഷിക്കുന്ന പരമാവധി താപനില 23 മുതൽ 25 ഡിഗ്രി സെൽഷ്യസ് വരെ ആയിരിക്കും, അതേസമയം കടൽ നേരിയതോ മിതമായതോ ആയിരിക്കും. തിരമാലകൾക്ക് 2 മുതൽ 4 അടി വരെ ഉയരമുണ്ടാകും. അതേസമയം ശനിയാഴ്ച ഊഷ്മളമായ കാലാവസ്ഥയാണ് പ്രതീക്ഷിക്കുന്നത്. നേരിയതോ മിതമായതോ ആയ വടക്കുപടിഞ്ഞാറൻ കാറ്റ്, മണിക്കൂറിൽ 10 മുതൽ 38 കിലോമീറ്റർ വരെ വേഗതയിൽ വീശാൻ സാധ്യതയുണ്ട്. പ്രതീക്ഷിക്കുന്ന പരമാവധി താപനില 22 മുതൽ 24 ഡിഗ്രി സെൽഷ്യസിനുമിടയിലായിരിക്കുമെന്നും, കടലിന്റെ അവസ്ഥ നേരിയതായിരിക്കുമെന്നും അദ്ദേഹം കൂട്ടിച്ചേർത്തു.ശനിയാഴ്ച വൈകുന്നേരത്തെ കാലാവസ്ഥ തണുപ്പുള്ളതായിരിക്കുമെന്നും അദ്ദേഹം വ്യക്തമാക്കി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/DYDPb48irAhIqIs6JJUM0q