കുവൈറ്റിൽ നിലവിലെ ആരോഗ്യസ്ഥിതി ആശ്വാസകരമായതിനാൽ യാത്രക്കാർക്ക് നിയന്ത്രണങ്ങൾ ഏർപ്പെടുത്തില്ലെന്ന് അധികൃതർ. നിലവിലെ എപ്പിഡെമിയോളജിക്കൽ സാഹചര്യവുമായി ബന്ധപ്പെട്ട ഓപ്പറേറ്റിംഗ് ഏജൻസികൾ ആരോഗ്യ അധികാരികളുമായി നിരന്തരം ബന്ധപ്പെടുത്തുന്നുണ്ടെന്നും രാജ്യത്തേക്ക് വരുന്നതും, പോകുന്നതുമായ യാത്രക്കാർക്ക് നിയന്ത്രണങ്ങൾ കർശനമാക്കില്ലെന്ന് കുവൈറ്റ് അന്താരാഷ്ട്ര വിമാനത്താവളത്തിലെ അധികാരികൾ പറഞ്ഞു.
വിമാനത്താവളത്തിൽ നേരത്തെ പുറപ്പെടുവിച്ച സർക്കുലർ പ്രകാരം യാത്രക്കാരെ സ്വീകരിക്കുന്നത് തുടരുന്നുണ്ടെന്നും, രാജ്യത്തെ ആരോഗ്യസ്ഥിതി നിലനിർത്തുന്നതിനായി പകർച്ചവ്യാധികൾ പൊട്ടിപ്പുറപ്പെടുന്നത് സംബന്ധിച്ച് പുറപ്പെടുവിച്ച എല്ലാ നിർദ്ദേശങ്ങളും നേരിടാൻ അധികൃതർ തയ്യാറാണെന്നും പറഞ്ഞു. രാജ്യത്തെ നിലവിലെ സ്ഥിതി ആശ്വാസകരമാണ്. തീവ്രപരിചരണ വിഭാഗത്തിൽ അഞ്ചു കേസുകൾ മാത്രമാണ് ചികിത്സയിലുള്ളത്. യുണൈറ്റഡ് സ്റ്റേറ്റ്സ് ഓഫ് അമേരിക്ക കുവൈറ്റിനെ അപകടസാധ്യതയുള്ള രാജ്യങ്ങളുടെ പട്ടികയിൽ ചേർത്തതിനുശേഷം ലോകാരോഗ്യ സംഘടനയുമായുള്ള തീവ്രമായ ഏകോപനത്തെക്കുറിച്ചും, രാജ്യത്തെ എപ്പിഡെമിയോളജിക്കൽ സാഹചര്യവുമായി ബന്ധപ്പെട്ടവയെ പിന്തുടരുമെന്നും അദ്ദേഹം പറഞ്ഞു. രാജ്യത്തെ കോവിഡ് ബാധിച്ച രോഗികൾ സുഖം പ്രാപിക്കുന്നതിന്റെ നിരക്ക് 100% ആണ്. 1.4 ദശലക്ഷം ആളുകൾ ബൂസ്റ്റർ ഡോസ് സ്വീകരിച്ചതായും അധികൃതർ വ്യക്തമാക്കി. കൂടാതെ രാജ്യത്തെ മെഡിക്കൽ സ്റ്റാഫ് രോഗത്തെ കൈകാര്യം ചെയ്യുന്നതിൽ മികച്ച രീതിയിൽ പ്രവർത്തിക്കുന്നുണ്ടെന്നും അദ്ദേഹം ചൂണ്ടിക്കാട്ടി. കുവൈറ്റിലെ വാര്ത്തകളും വിശേഷങ്ങളും അറിയാന് വാട്സ്ആപ്പ് ലിങ്കില് ക്ലിക്ക് ചെയ്യുകhttps://chat.whatsapp.com/I8FSZXu0P9mIeju4HGE4om
