ജലീബ് അൽ ശുയൂഖ് മേഖലയിലെ പൊതുസുരക്ഷ ഉറപ്പാക്കുന്നതിനും അപകടാവസ്ഥയിലായ കെട്ടിടങ്ങൾ നീക്കം ചെയ്യുന്നതിനുമായി ഫർവാനിയ ഗവർണറേറ്റ് മുൻസിപ്പാലിറ്റി വിപുലമായ പൊളിക്കൽ നടപടികൾ തുടരുന്നു. ഇതിന്റെ ഭാഗമായി ആകെ 42 ജീർണ്ണാവസ്ഥയിലുള്ള കെട്ടിടങ്ങൾ പൊളിച്ചുനീക്കാനുള്ള പദ്ധതി നടപ്പിലാക്കുകയാണെന്ന് അധികൃതർ അറിയിച്ചു. സൈറ്റ് മാനേജർ എഞ്ചിനീയർ മുബാറക് അൽ വതാരിയുടെ മേൽനോട്ടത്തിൽ കരാർ കമ്പനിയിലൂടെ പ്രവർത്തനങ്ങൾ പുരോഗമിക്കുകയാണ്. പൊളിക്കൽ നടപടികൾക്ക് മുൻപ് കെട്ടിടങ്ങളിലെ താമസക്കാരെ ഒഴിപ്പിക്കുകയും വൈദ്യുതി ബന്ധങ്ങൾ വിച്ഛേദിക്കുകയും കാൽനടയാത്രക്കാരുടെയും വാഹനങ്ങളുടെയും സുരക്ഷ ഉറപ്പാക്കുന്നതിനായി പ്രദേശം സുരക്ഷാ വേലികൊണ്ട് സംരക്ഷിക്കുകയും ചെയ്തിരുന്നു.

ഇതിനകം 15 അപകടഭീഷണി നേരിട്ടിരുന്ന കെട്ടിടങ്ങൾ മുൻസിപ്പാലിറ്റി നേരിട്ട് പൊളിച്ചുമാറ്റി. നിയമനടപടികൾ ഒഴിവാക്കുന്നതിനായി അഞ്ച് കെട്ടിടങ്ങൾ അവയുടെ ഉടമകൾ സ്വന്തം ചെലവിൽ പൊളിച്ചുനീക്കുകയും ചെയ്തു. ശേഷിക്കുന്ന 22 കെട്ടിടങ്ങൾ മുൻസിപ്പാലിറ്റി തയ്യാറാക്കിയ പ്രത്യേക സമയക്രമം അനുസരിച്ച് വരും ദിവസങ്ങളിൽ പൊളിച്ചുനീക്കുമെന്ന് അധികൃതർ വ്യക്തമാക്കി.
പൊളിക്കൽ നടപടികൾ ആരംഭിക്കുന്നതിന് മുമ്പ് നിയമപരവും ഭരണപരവുമായ എല്ലാ നടപടിക്രമങ്ങളും പൂർത്തിയാക്കിയിരുന്നു. നിയമലംഘന നോട്ടീസുകൾ നൽകൽ, ജല-വൈദ്യുതി കണക്ഷനുകൾ വിച്ഛേദിക്കൽ, ഒഴിപ്പിക്കൽ ഉത്തരവുകൾ നൽകൽ തുടങ്ങിയ നടപടികൾ ഇതിന്റെ ഭാഗമായി സ്വീകരിച്ചു. ജനസാന്ദ്രതയേറിയ പ്രദേശങ്ങളിലെ അപകടകരമായ കെട്ടിടങ്ങൾ ഒഴിവാക്കി നഗരസുരക്ഷ ശക്തിപ്പെടുത്തുന്നതിനുള്ള വലിയ കാമ്പയിന്റെ ഭാഗമായാണ് ഈ നടപടി നടപ്പാക്കുന്നതെന്ന് മുൻസിപ്പാലിറ്റി അധികൃതർ അറിയിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t