കുവൈറ്റ് സിറ്റി: കുവൈറ്റിലെ യാത്രാ വിപണിയിൽ വലിയ മാറ്റങ്ങൾ പ്രകടമായ വർഷമായിരുന്നു 2025. യാത്രക്കാരുടെ എണ്ണത്തിൽ മുൻ വർഷത്തെ അപേക്ഷിച്ച് നേരിയ വർധനവ് (ഏകദേശം ഒരു ശതമാനം) മാത്രമാണ് ഉണ്ടായതെങ്കിലും, യാത്രക്കാരുടെ താൽപ്പര്യങ്ങളിലും ബുക്കിംഗ് രീതികളിലും വലിയ മാറ്റങ്ങളാണ് ദൃശ്യമായതെന്ന് വ്യോമയാന മന്ത്രാലയത്തിന്റെയും ട്രാവൽ ഏജൻസികളുടെയും റിപ്പോർട്ടുകൾ വ്യക്തമാക്കുന്നു.

റെക്കോർഡ് തിരക്ക്: 2025-ൽ കുവൈറ്റ് അന്താരാഷ്ട്ര വിമാനത്താവളം വഴി 1.49 കോടി യാത്രക്കാരാണ് സഞ്ചരിച്ചത്. ഇതിൽ ആഗസ്റ്റ് മാസത്തിലാണ് ഏറ്റവും കൂടുതൽ തിരക്ക് അനുഭവപ്പെട്ടത് (9.26 ലക്ഷം യാത്രക്കാർ).
പ്രിയപ്പെട്ട ഇടങ്ങൾ: കുവൈറ്റികൾക്കിടയിൽ യൂറോപ്പ് തന്നെയായിരുന്നു ഒന്നാമത്. ലണ്ടൻ, പാരിസ്, സ്വിറ്റ്സർലൻഡ് തുടങ്ങിയ പരമ്പരാഗത ഇടങ്ങൾക്ക് പുറമെ വടക്കൻ ഇറ്റലിയിലെ ഡോലോമിറ്റുകൾ, മാഡ്രിഡ്, ചെക്ക് റിപ്പബ്ലിക്, റഷ്യ എന്നിവടങ്ങളിലേക്കും സഞ്ചാരികളുടെ ഒഴുക്കുണ്ടായി.
ഏഷ്യയിലെ പുതിയ ട്രെൻഡ്: ഏഷ്യയിൽ വിയറ്റ്‌നാമാണ് ഇത്തവണത്തെ സർപ്രൈസ് പാക്കേജായി ഉയർന്നുവന്നത്. മനില, ചൈനയിലെ ഗ്വാങ്‌ഷൂ, തായ്‌ലൻഡ് എന്നിവയും സെർച്ചിംഗിൽ മുന്നിലെത്തി.
ഗൾഫ് യാത്രകൾ: ഗൾഫ് മേഖലയിൽ ദുബായ് തന്നെയാണ് ഏറ്റവും പ്രിയപ്പെട്ട നഗരം (ആഴ്ചയിൽ 113 വിമാനങ്ങൾ). ജിദ്ദ, കെയ്‌റോ, റിയാദ്, ദോഹ എന്നിവയാണ് തൊട്ടുപിന്നാലെയുള്ളത്. കുടുംബയാത്രകൾക്ക് അബുദാബിയാണ് പലരും തിരഞ്ഞെടുത്തത്.
പ്രാദേശിക ഏജൻസികളിൽ വിശ്വാസമർപ്പിച്ച് യാത്രക്കാർ: ഓൺലൈൻ ബുക്കിംഗുകളിലെ പിഴവുകളും പ്രയാസങ്ങളും കാരണം പലരും പ്രാദേശിക ട്രാവൽ ഏജൻസികളെ വീണ്ടും ആശ്രയിച്ചു തുടങ്ങിയിട്ടുണ്ട്. കോവിഡ് കാലത്തിന് ശേഷം രാജ്യത്തെ ലൈസൻസുള്ള ട്രാവൽ ഏജൻസികളുടെ എണ്ണം 370-ൽ നിന്ന് 590 ആയി ഉയർന്നു.
ചെലവ്: ഒരു വ്യക്തിയുടെ ശരാശരി യാത്രാ ബജറ്റ് 500 മുതൽ 1,300 കുവൈറ്റ് ദിനാർ വരെയാണെന്ന് കണക്കുകൾ സൂചിപ്പിക്കുന്നു.

ഡിജിറ്റൽ സേവനങ്ങളുടെ കടന്നുകയറ്റവും വ്യത്യസ്തമായ യാത്രാ അനുഭവങ്ങൾക്കായുള്ള അന്വേഷണവുമാണ് കുവൈറ്റിലെ ട്രാവൽ മാർക്കറ്റിനെ സജീവമാക്കുന്നത്.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റിൽ ഉദ്യോഗസ്ഥർക്കിടയിലും ഇനി ലഹരി പരിശോധന; ആദ്യഘട്ടം ആരംഭിച്ചു

കുവൈത്ത് ആഭ്യന്തര മന്ത്രാലയത്തിന് കീഴിലുള്ള ഉദ്യോഗസ്ഥർക്കിടയിൽ മയക്കുമരുന്ന് ഉൾപ്പെടെയുള്ള ലഹരി വസ്തുക്കളുടെ ഉപയോഗം കണ്ടെത്തുന്നതിനായി റാൻഡം പരിശോധനകൾ ആരംഭിച്ചു. ക്രിമിനൽ എവിഡൻസ് ഡിപ്പാർട്ട്‌മെന്റിന്റെ നേതൃത്വത്തിലാണ് പരിശോധനകൾ നടക്കുന്നതെന്ന് മന്ത്രാലയം അറിയിച്ചു. ജോലിസ്ഥലങ്ങളിൽ അച്ചടക്കം ശക്തിപ്പെടുത്താനും സുരക്ഷാ സേനാംഗങ്ങൾ സമൂഹത്തിന് മാതൃകയാകുന്ന രീതിയിൽ പ്രവർത്തിക്കുന്നുണ്ടെന്ന് ഉറപ്പാക്കാനും ലക്ഷ്യമിട്ടാണ് ഈ നടപടി. ആഭ്യന്തര മന്ത്രാലയം പുറത്തിറക്കിയ വാർത്താക്കുറിപ്പിലാണ് പദ്ധതിയുടെ വിശദാംശങ്ങൾ വ്യക്തമാക്കിയത്. ആദ്യഘട്ടത്തിൽ പൊലീസ് സ്പോർട്സ് ഫെഡറേഷനിലെ അംഗങ്ങളെയാണ് പരിശോധനയ്ക്ക് വിധേയമാക്കിയത്. ഫെഡറേഷൻ ചെയർമാൻ ബ്രിഗേഡിയർ ജനറൽ ഷെയ്ഖ് മുബാറക് അലി യൂസഫ് അൽ സബാഹ്, ഡെപ്യൂട്ടി ചെയർമാൻ, ബോർഡ് അംഗങ്ങൾ എന്നിവരടക്കം വിവിധ ഉദ്യോഗസ്ഥർ പരിശോധനയിൽ പങ്കെടുത്തു.

മയക്കുമരുന്ന് വിരുദ്ധ പ്രവർത്തനങ്ങൾ ശക്തമാക്കുന്നതിന്റെ ഭാഗമായി നിലവിൽ വന്ന 2025ലെ 159-ാം നമ്പർ നിയമത്തിന്റെ അടിസ്ഥാനത്തിലാണ് റാൻഡം പരിശോധനകൾ നടത്തുന്നതെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയത്തിന്റെ എല്ലാ വിഭാഗങ്ങളിലേക്കും പരിശോധന വ്യാപിപ്പിക്കുമെന്നും ഇതിനായി പ്രത്യേക സമയക്രമം അംഗീകരിച്ചിട്ടുണ്ടെന്നും അധികൃതർ അറിയിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL

ആഡംബര കാറുകളുമായി അഭ്യാസപ്രകടനം, വീഡിയോ വൈറൽ: പ്രവാസികളെ കയ്യോടെ പൊക്കി കുവൈത്ത് പോലീസ്

കുവൈത്ത് സിറ്റി: ജലീബ് അൽ ശുയൂഖിൽ ആഡംബര വാഹനങ്ങൾ ഉപയോഗിച്ച് റോഡിൽ അഭ്യാസപ്രകടനം നടത്തിയ ഏഷ്യൻ വംശജരായ യുവാക്കളെ കുവൈത്ത് ആഭ്യന്തര മന്ത്രാലയം (MoI) അറസ്റ്റ് ചെയ്തു. സോഷ്യൽ മീഡിയയിൽ ഇവരുടെ അഭ്യാസപ്രകടനങ്ങളുടെ വീഡിയോ വൈറലായതിനെ തുടർന്നാണ് അധികൃതർ നടപടി സ്വീകരിച്ചത്. കഴിഞ്ഞ ദിവസങ്ങളിൽ സോഷ്യൽ മീഡിയയിൽ പ്രചരിച്ച വീഡിയോയിൽ, ആഡംബര കാറുകൾ ഉപയോഗിച്ച് പൊതുനിരത്തിൽ അപകടകരമായ രീതിയിൽ വാഹനമോടിക്കുകയും മറ്റ് യാത്രക്കാർക്കും പൊതുജനങ്ങൾക്കും ഭീഷണിയാകുന്ന തരത്തിൽ സ്റ്റണ്ടുകൾ കാണിക്കുകയും ചെയ്യുന്നത് ദൃശ്യമായിരുന്നു. ജലീബ് അൽ ശുയൂഖ് മേഖലയിലാണ് ഈ നിയമലംഘനങ്ങൾ നടന്നതെന്ന് പോലീസ് കണ്ടെത്തി.

വീഡിയോ ശ്രദ്ധയിൽപ്പെട്ട ഉടൻ തന്നെ ജനറൽ ട്രാഫിക് ഡിപ്പാർട്ട്‌മെന്റിലെ സെക്യൂരിറ്റി കൺട്രോൾ വിഭാഗം അന്വേഷണം ആരംഭിച്ചു. വീഡിയോ ദൃശ്യങ്ങൾ പരിശോധിച്ച് വാഹനങ്ങളും ഡ്രൈവർമാരെയും തിരിച്ചറിഞ്ഞ പോലീസ്, ഇവരെ പിടികൂടുകയായിരുന്നു. പിടിയിലായവർ ഏഷ്യൻ വംശജരാണെന്ന് അധികൃതർ സ്ഥിരീകരിച്ചു. പിടികൂടിയ ഡ്രൈവർമാർക്കെതിരെ കടുത്ത നിയമനടപടികളാണ് മന്ത്രാലയം സ്വീകരിച്ചിരിക്കുന്നത്. ഇവരുടെ ആഡംബര വാഹനങ്ങൾ പോലീസ് പിടിച്ചെടുത്തു. ഗതാഗത നിയമങ്ങൾ ലംഘിക്കുന്നവർക്കും പൊതുജനങ്ങളുടെ ജീവന് ഭീഷണിയാകുന്ന രീതിയിൽ പെരുമാറുന്നവർക്കുമെതിരെ വിട്ടുവീഴ്ചയില്ലാത്ത നടപടികൾ തുടരുമെന്ന് ആഭ്യന്തര മന്ത്രാലയം മുന്നറിയിപ്പ് നൽകി. റോഡുകളിൽ സുരക്ഷിതമായി വാഹനമോടിക്കണമെന്നും നിയമലംഘനങ്ങൾ ശ്രദ്ധയിൽപ്പെട്ടാൽ അധികൃതരെ അറിയിക്കണമെന്നും മന്ത്രാലയം പൊതുജനങ്ങളോട് അഭ്യർത്ഥിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL