KUWAITVARTHAKAL

കുവൈറ്റ് സിറ്റി: കുവൈത്തിലെ പ്രവാസികൾക്ക് സിവിൽ ഐഡിയിലെ താമസസ്ഥലം (അഡ്രസ്സ്) ഇനി ‘സഹൽ’ (Sahel) ആപ്പ് വഴി എളുപ്പത്തിൽ മാറ്റാം. പബ്ലിക് അതോറിറ്റി ഫോർ സിവിൽ ഇൻഫർമേഷൻ (PACI) ആണ് ഈ പുതിയ ഡിജിറ്റൽ സേവനം പ്രഖ്യാപിച്ചത്. നടപടിക്രമങ്ങൾ ലളിതമാക്കുന്നതിനും കാര്യക്ഷമത വർദ്ധിപ്പിക്കുന്നതിനും വേണ്ടിയുള്ള PACI യുടെ ശ്രമങ്ങളുടെ ഭാഗമാണിത്.

നിയമം പാലിച്ചില്ലെങ്കിൽ പിഴ

അഡ്രസ്സ് മാറ്റേണ്ടതിൻ്റെ പ്രാധാന്യം PACI ആവർത്തിച്ച് ഓർമ്മിപ്പിച്ചു. കെട്ടിടങ്ങൾ പൊളിച്ചുമാറ്റിയതിനെ തുടർന്നോ വീട്ടുടമസ്ഥൻ്റെ ആവശ്യപ്രകാരമോ 478 വ്യക്തികളുടെ താമസസ്ഥലം PACI റെക്കോർഡുകളിൽ നിന്ന് നീക്കം ചെയ്തിട്ടുണ്ട്.

ഈ വ്യക്തികൾ 30 ദിവസത്തിനുള്ളിൽ പുതിയ അഡ്രസ്സ് രജിസ്റ്റർ ചെയ്ത് ആവശ്യമായ രേഖകൾ സമർപ്പിക്കണം. അല്ലാത്തപക്ഷം, നിയമലംഘനത്തിന് പ്രതിഗത വ്യക്തിക്ക് 100 ദിനാർ (KD 100) എന്ന നിരക്കിൽ പിഴ ചുമത്തുമെന്ന് അതോറിറ്റി മുന്നറിയിപ്പ് നൽകി (നിയമം നമ്പർ 2/1982, ആർട്ടിക്കിൾ 33 പ്രകാരം).

‘സഹൽ’ ആപ്പ് വഴി അഡ്രസ്സ് മാറ്റുന്നതിനുള്ള ഘട്ടങ്ങൾ

സഹൽ (Sahel) ആപ്പിൽ ലോഗിൻ ചെയ്യുക.

സ്‌ക്രീനിൻ്റെ താഴെയുള്ള Services (സേവനങ്ങൾ) തിരഞ്ഞെടുക്കുക.

Public Authority for Civil Information (PACI) തിരഞ്ഞെടുക്കുക.

Personal Services > Address Change for Non-Kuwaiti (വ്യക്തിഗത സേവനങ്ങൾ > കുവൈത്തി ഇതര പൗരൻമാർക്കുള്ള അഡ്രസ്സ് മാറ്റം) തിരഞ്ഞെടുക്കുക.

PACI യൂണിറ്റ് നമ്പർ ചേർക്കുക.

താഴെ പറയുന്ന ആവശ്യമായ രേഖകൾ അപ്‌ലോഡ് ചെയ്യുക:

വാടക കരാർ (Rental Contract)

ഉടമസ്ഥാവകാശ രേഖ (Proof of ownership document)

പാസ്‌പോർട്ട് (Passport)

മറ്റ് ആവശ്യമായ രേഖകൾ (ലീസ് സർട്ടിഫിക്കറ്റ്/ റിയൽ എസ്റ്റേറ്റ് സിഗ്നേച്ചർ സർട്ടിഫിക്കറ്റ് തുടങ്ങിയവ)

ഈ പുതിയ സംവിധാനം പ്രവാസികൾക്ക് PACI ഓഫീസുകളിലെത്താതെ തന്നെ സിവിൽ ഐഡി വിവരങ്ങൾ അപ്‌ഡേറ്റ് ചെയ്യാൻ സഹായിക്കും.

DOWNLOAD SAHEL APP

ANDROID https://play.google.com/store/apps/details?id=kw.gov.sahel&hl=en_IN

I PHONE https://apps.apple.com/us/app/sahel-%D8%B3%D9%87%D9%84/id1581727068

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

കുവൈത്തിലേക്ക് ഇനി എളുപ്പത്തിൽ പറക്കാം! ഇ-വിസക്ക് ഓൺലൈനായി അപേക്ഷിക്കേണ്ടത് എങ്ങനെ? പൂർണ്ണ വിവരങ്ങൾ ഇതാ

കുവൈറ്റ് സിറ്റി: കുവൈത്തിലേക്ക് യാത്ര ചെയ്യാൻ ആഗ്രഹിക്കുന്നവർക്ക് സന്തോഷ വാർത്ത. കുവൈറ്റ് ആഭ്യന്തര മന്ത്രാലയത്തിൻ്റെ ഔദ്യോഗിക ഓൺലൈൻ പോർട്ടൽ വഴി ഇ-വിസക്ക് (E-Visa) ഇപ്പോൾ എളുപ്പത്തിൽ അപേക്ഷിക്കാം. വിനോദസഞ്ചാരത്തിനോ ബിസിനസ് ആവശ്യങ്ങൾക്കോ കുവൈറ്റിലേക്ക് പോകുന്നവർക്ക് വീട്ടിലിരുന്ന് തന്നെ ലളിതമായ ഘട്ടങ്ങളിലൂടെ വിസ നടപടികൾ പൂർത്തിയാക്കാൻ സാധിക്കും.

കുവൈറ്റ് ഇ-വിസക്ക് അപേക്ഷിക്കാനുള്ള ഘട്ടം ഘട്ടമായുള്ള മാർഗ്ഗനിർദ്ദേശങ്ങൾ:

ഔദ്യോഗിക വെബ്‌സൈറ്റ് സന്ദർശിക്കുക: കുവൈറ്റ് വിസ പോർട്ടലായ www.kuwaitvisa.moi.gov.kw എന്ന വെബ്‌സൈറ്റിൽ പ്രവേശിക്കുക.

വിസ തരം തിരഞ്ഞെടുക്കുക:

വിനോദ സഞ്ചാരത്തിനാണ് പോകുന്നതെങ്കിൽ Tourist Visa തിരഞ്ഞെടുക്കുക.

ബിസിനസ് ആവശ്യങ്ങൾക്കായി പോകുന്നവർ Business Visa തിരഞ്ഞെടുക്കണം.

കുവൈറ്റിലെ പ്രവാസികൾക്ക് തങ്ങളുടെ കുടുംബാംഗങ്ങളെ കൊണ്ടുവരാനായി Family Visa ഓപ്ഷനും തിരഞ്ഞെടുക്കാം.

പ്രൊഫൈൽ ഉണ്ടാക്കുക: വെബ്‌സൈറ്റിൽ രജിസ്റ്റർ ചെയ്യുകയും ആവശ്യമായ എല്ലാ വ്യക്തിഗത വിവരങ്ങളും യാത്രാ വിവരങ്ങളും പൂരിപ്പിക്കുകയും ചെയ്യുക.

ബിസിനസ് വിസ രജിസ്‌ട്രേഷൻ (ബിസിനസ് യാത്രക്കാർക്ക്): ബിസിനസ് വിസക്ക് വേണ്ടി അപേക്ഷിക്കുമ്പോൾ, കുവൈറ്റിലെ ബന്ധപ്പെട്ട സ്ഥാപനം പോർട്ടൽ വഴി രജിസ്റ്റർ ചെയ്യേണ്ടതുണ്ട്.

ലോഗിൻ വിവരങ്ങൾ സ്വീകരിക്കുക: വിസ സിസ്റ്റത്തിലേക്ക് പ്രവേശിക്കുന്നതിനുള്ള ലോഗിൻ വിവരങ്ങൾ ആഭ്യന്തര മന്ത്രാലയം (MoI) അപേക്ഷകന് നൽകും.

അംഗീകാരവും പണമടക്കലും: വിസ അംഗീകരിച്ച ശേഷം, വിസ ഫീസ് ഓൺലൈനായി അടയ്ക്കുക.

ഇ-വിസ ഡൗൺലോഡ് ചെയ്യുക: പണം അടച്ച ശേഷം, അംഗീകരിച്ച ഇ-വിസ ഡൗൺലോഡ് ചെയ്ത് പ്രിൻ്റ് ചെയ്ത കോപ്പിയോ ഡിജിറ്റൽ കോപ്പിയോ യാത്ര ചെയ്യുമ്പോൾ കൈവശം കരുതുക.

ഇ-വിസ ലഭിച്ചു കഴിഞ്ഞാൽ, പാസ്‌പോർട്ടിനൊപ്പം വിസ കോപ്പിയും മറ്റ് പ്രവേശന ആവശ്യകതകളും പാലിച്ചുകൊണ്ട് നിങ്ങൾക്ക് കുവൈറ്റിലേക്ക് യാത്ര തിരിക്കാം. ഓൺലൈൻ ഇ-വിസ സംവിധാനം നിങ്ങളുടെ യാത്ര സുഗമവും തടസ്സരഹിതവുമാക്കാൻ സഹായിക്കും.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

കുവൈത്തിൽ മഴക്കാലം തുടങ്ങുന്നു; ഈ സീസണിലെ ആദ്യ മഴ ഇന്ന് രാത്രി മുതൽ! മുൻകരുതലുകൾ വേണം

കുവൈറ്റ് സിറ്റി: കാത്തിരിപ്പിനൊടുവിൽ കുവൈത്തിൽ ഈ സീസണിലെ ആദ്യ മഴയ്ക്ക് സാധ്യത. ഇന്ന് രാത്രി മുതൽ രാജ്യത്ത് മഴ ആരംഭിച്ചേക്കും എന്നാണ് കാലാവസ്ഥാ നിരീക്ഷണ കേന്ദ്രം നൽകുന്ന മുന്നറിയിപ്പ്.

രാജ്യത്തെ പ്രമുഖ കാലാവസ്ഥാ നിരീക്ഷകനായ ജാസെം റംസാൻ അറിയിച്ചതനുസരിച്ച്, ആദ്യ മഴക്ക് ശേഷം കാലാവസ്ഥാ മാറ്റങ്ങൾ തുടർന്നേക്കാം. ഈ സാഹചര്യത്തിൽ പൊതുജനങ്ങൾ ആവശ്യമായ മുൻകരുതലുകൾ സ്വീകരിക്കണം.

കുവൈറ്റ് ന്യൂസ് ഇൻഡക്‌സ് പുറത്തുവിട്ട റിപ്പോർട്ടിലാണ് ഈ വിവരങ്ങൾ ഉള്ളത്. വേനൽക്കാലം അവസാനിച്ചതോടെ, താപനില കുറയുന്നതിനും അന്തരീക്ഷത്തിൽ മാറ്റങ്ങൾ വരുന്നതിൻ്റെയും സൂചനയാണ് ഈ മഴക്കാലം നൽകുന്നത്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

ഈ കുരുക്കിൽ പോയി വീഴരുത്; കുവൈത്തിൽ 8 ട്രാവൽ ഏജൻസികൾക്കും ഒരു വിമാനക്കമ്പനിക്കും സിവിൽ ഏവിയേഷൻ്റെ വൻ പിഴ!

കുവൈറ്റ് സിറ്റി: രാജ്യത്തെ വ്യോമയാന നിയമങ്ങളും ചട്ടങ്ങളും ലംഘിച്ചതിൻ്റെ പേരിൽ എട്ട് ട്രാവൽ ഓഫീസുകൾക്കും ഒരു വിമാനക്കമ്പനിക്കും കുവൈത്ത് സിവിൽ ഏവിയേഷൻ അതോറിറ്റിയുടെ (PACA) പരാതി, ആർബിട്രേഷൻ കമ്മിറ്റി പിഴ ചുമത്തി. നിയന്ത്രണങ്ങൾ ലംഘിച്ചതിന് മൊത്തം 66 നിയമലംഘനങ്ങളും പിഴകളും ചുമത്തിയതായി എയർ ട്രാൻസ്പോർട്ട് ഡിപ്പാർട്ട്‌മെൻ്റ് ഡയറക്ടറും കമ്മിറ്റി ചെയർമാനുമായ അബ്ദുള്ള അൽ-രാജി അറിയിച്ചു.

പ്രധാന നടപടികൾ:

8 ട്രാവൽ ഏജൻസികൾക്കും 1 എയർലൈനിനും പിഴ: സിവിൽ ഏവിയേഷൻ സർക്കുലറുകളും ടിക്കറ്റിംഗ് സംബന്ധിച്ച നിയമങ്ങളും ലംഘിച്ചതിനാണ് ഈ സ്ഥാപനങ്ങൾക്ക് പിഴ ചുമത്തിയത്.

58 ഓഫീസുകൾക്ക് സോഷ്യൽ മീഡിയ ലംഘനത്തിന് പിഴ: ലൈസൻസിംഗുമായി ബന്ധപ്പെട്ടും സോഷ്യൽ മീഡിയ വഴിയുള്ള പരസ്യങ്ങൾ സംബന്ധിച്ചുമുള്ള നിബന്ധനകൾ ലംഘിച്ച 58 ട്രാവൽ ഓഫീസുകൾക്കെതിരെയും നടപടിയെടുത്തു.

മുൻകൂർ അനുമതിയില്ലാതെ സിവിൽ ഏവിയേഷൻ പ്രവർത്തനങ്ങളിൽ ഏർപ്പെട്ട രണ്ട് വ്യക്തികളെ പബ്ലിക് പ്രോസിക്യൂഷന് റഫർ ചെയ്തിട്ടുണ്ട്. യാത്രക്കാരുടെ അവകാശങ്ങൾ സംരക്ഷിക്കുന്നതിനും വ്യോമയാന വിപണിയുടെ സ്ഥിരത ഉറപ്പാക്കുന്നതിനും വേണ്ടിയാണ് ഈ കർശന നടപടികളെന്നും നിയമലംഘനങ്ങളോട് വിട്ടുവീഴ്ചയില്ലാത്ത സമീപനം സ്വീകരിക്കുമെന്നും അധികൃതർ വ്യക്തമാക്കി.

സിവിൽ ഏവിയേഷൻ അതോറിറ്റിയുടെ ലൈസൻസുള്ള ഏജൻസികളുമായി മാത്രം ഇടപാടുകൾ നടത്തുക, എല്ലാ ടിക്കറ്റ്, ഹോട്ടൽ ബുക്കിംഗ് വിവരങ്ങളും കൃത്യമായി പരിശോധിക്കുക, അവകാശങ്ങൾ സംരക്ഷിക്കുന്നതിനായി രസീതുകൾ സൂക്ഷിക്കുക എന്നിവ യാത്രക്കാർ ഉറപ്പാക്കണമെന്ന് അൽ-രാജി നിർദ്ദേശിച്ചു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

കുവൈത്തിൽ റോഡരികിലെ കാർ വിൽപ്പനയ്ക്കെതിരെ പുതിയ നിയമങ്ങൾ പ്രാബല്യത്തിൽ

കുവൈറ്റ് സിറ്റി, നവംബർ 14: പൊതുറോഡുകളിലോ, നടപ്പാതകളിലോ, റോഡിന്റെ ഭാഗമായ മറ്റ് സ്ഥലങ്ങളിലോ ഉപയോഗിച്ച വാഹനങ്ങൾ വിൽപ്പനയ്ക്കായി പ്രദർശിപ്പിക്കരുതെന്ന് കുവൈത്തി പൗരന്മാരോടും പ്രവാസികളോടും അധികൃതർ കർശനമായി ആവശ്യപ്പെട്ടു. ഇത്തരത്തിലുള്ള നടപടികൾ നിയമനടപടികൾക്ക് കാരണമായേക്കാമെന്നും അധികൃതർ മുന്നറിയിപ്പ് നൽകി.

വിൽപനയ്ക്കായി നിശ്ചയിച്ചിട്ടില്ലാത്ത സ്ഥലങ്ങളിൽ വാഹനം നിർത്തുന്നത് പാർക്കിംഗ് നിയമലംഘനമായി കണക്കാക്കുമെന്ന് ജനറൽ ട്രാഫിക് ഡിപ്പാർട്ട്‌മെന്റ് (ജിടിഡി) വ്യക്തമാക്കി. ട്രാഫിക് നിയമത്തിന്റെ എക്സിക്യൂട്ടീവ് റെഗുലേഷനിലെ ആർട്ടിക്കിൾ 207 പ്രകാരം, ഈ നിയമലംഘനം നടത്തുന്ന വാഹനങ്ങൾ 60 ദിവസം വരെ കണ്ടുകെട്ടാൻ (impound) ഇത് ഇടയാക്കും.

പിഴ ഒഴിവാക്കാൻ, അംഗീകൃത ഷോറൂമുകൾ, ലൈസൻസുള്ള ഡീലർമാർ, അല്ലെങ്കിൽ അംഗീകൃത ഓൺലൈൻ പ്ലാറ്റ്‌ഫോമുകൾ വഴി മാത്രം വാഹനങ്ങൾ വിൽക്കാൻ ഉദ്യോഗസ്ഥർ പൊതുജനങ്ങൾക്ക് നിർദ്ദേശം നൽകിയിട്ടുണ്ട്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

യാത്രക്കാരുടെ ശ്രദ്ധയ്ക്ക്; കുവൈത്തിലെ പ്രധാന റോഡ് ഗതാഗത നിയന്ത്രണം

കുവൈത്തിലെ പ്രധാന റോഡ് ഭാഗികമായി അടച്ചിടുന്നതായി അധികൃതർ അറിയിച്ചു. ഫഹാഹീൽ റോഡിലെ കിംഗ് അബ്ദുൾ റഹ്‍മാൻ അൽ സൗദ് റോഡിനാണ് ഗതാഗത നിയന്ത്രണം ബാധകമാകുന്നത്. ഈ ഭാഗിക അടച്ചിടൽ പല പാതകളെയും പ്രവേശന-പുറത്തിറങ്ങുന്ന മാർഗങ്ങളെയും ബാധിക്കുന്നതാണ്. അബു ഫുതൈറ മേഖലയിലേക്കുള്ള എൻട്രിയും എക്സിറ്റും, എമർജൻസി ലൈൻ, സ്ലോ റൈറ്റ് ലൈൻ, മിഡിൽ ലൈൻ എന്നിവയും ഈ കാലയളവിൽ അടച്ചിടും.

അബുഹസാനിയ, അബു ഫുതൈറ പാലത്തിൽ നിന്ന് അൽ അക്വിലയും ഫിൻടാസ് റൗണ്ട്‌എബൗട്ടുകളും വരെ നിയന്ത്രണം ബാധകമായിരിക്കും. നവംബർ 14 വെള്ളിയാഴ്ച മുതൽ 2025 നവംബർ 28 വെള്ളിയാഴ്ച വരെ ഗതാഗത നിയന്ത്രണം തുടരും. എങ്കിലും ഗതാഗതം സുഗമമായി നിലനിർത്തുന്നതിനായി ഫാസ്റ്റ് ലെയ്ൻ ഈ ഒരു വർഷത്തോളം നീളുന്ന അടച്ചിടൽ കാലയളവിൽ പ്രവർത്തിക്കുന്നതായിരിക്കും.

കുവൈറ്റിൽ പള്ളികളിലെ ജീവനക്കാർക്ക് പുതിയ നിർദ്ദേശങ്ങൾ; സർക്കുലർ പുറപ്പെടുവിച്ചു

കുവൈറ്റിലെ പള്ളികളിൽ ജോലി ചെയ്യുന്ന ജീവനക്കാർക്കായി പുതിയ നിർദേശങ്ങൾ പുറത്തിറക്കിയതായി ഇസ്ലാമികകാര്യ മന്ത്രാലയം അറിയിച്ചു. എല്ലാ പള്ളി ജീവനക്കാരും നിർബന്ധമായും ഔദ്യോഗിക ജോലി സമയം പാലിക്കണം എന്നും ചുമതലകൾ നിർവഹിക്കുന്ന സമയത്ത് ദേശീയ വസ്ത്രം ധരിക്കണം എന്നും മന്ത്രാലയം പുറത്തിറക്കിയ സർക്കുലറിൽ വ്യക്തമാക്കുന്നു. ഇസ്ലാമികകാര്യ മന്ത്രാലയത്തിന്റെ ആക്ടിംഗ് അണ്ടർ സെക്രട്ടറിയായ സുലൈമാൻ അൽ സുവൈലം ഒപ്പുവെച്ച സർകുലർ രാജ്യത്തെ ഇമാമുകൾ, പ്രാസംഗകർ, മുഅദ്ദീനുകൾ ഉൾപ്പെടെ എല്ലാ മത ഉദ്യോഗസ്ഥർക്കും ബാധകമാണ്.

മത സ്ഥാപനങ്ങളുടെ പ്രവർത്തനം ക്രമീകരിതവും കാര്യക്ഷമവുമാക്കുന്നതിനാണ് കർശന നിർദ്ദേശങ്ങൾ പുറത്തിറക്കിയതെന്ന് മന്ത്രാലയം വ്യക്തമാക്കി. ഔദ്യോഗിക സമയം പാലിക്കൽ ഒരു പ്രധാന ഉത്തരവാദിത്വമാണെന്നും അതിൽ ഊർജ്ജിത ശ്രദ്ധ ആവശ്യമാണ് എന്നും സർക്കുലറിൽ ചൂണ്ടിക്കാട്ടുന്നു.
സർക്കുലറിലെ നിർദ്ദേശങ്ങൾ ലംഘിക്കുന്നവർക്കെതിരെ നിയമപരമായ നടപടി സ്വീകരിക്കുമെന്ന് മന്ത്രാലയം മുന്നറിയിപ്പ് നൽകി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

എല്ലാം ക്ലിയർ; മുടൽ മഞ്ഞ് കുറഞ്ഞു, കുവൈത്ത് വിമാനത്താവളത്തിന്റെ പ്രവർത്തനം സാധാരണനിലയിൽ

കുവൈറ്റ് സിറ്റി: കനത്ത മൂടൽമഞ്ഞിനെ തുടർന്ന് കുവൈറ്റ് അന്താരാഷ്ട്ര വിമാനത്താവളത്തിൽ നിന്നുള്ള നിരവധി വിമാനങ്ങൾ താത്കാലികമായി വഴിതിരിച്ചുവിട്ടിരുന്നു, എന്നാൽ പിന്നീട്, കാലാവസ്ഥ മെച്ചപ്പെടുകയും ദൂരക്കാഴ്ച വർദ്ധിക്കുകയും ചെയ്തതോടെ കുവൈറ്റ് സിവിൽ ഏവിയേഷൻ ഡയറക്ടറേറ്റ് ജനറൽ (DGCA) വിമാനത്താവളത്തിലെ വ്യോമഗതാഗതം പുനരാരംഭിച്ചു.

വിമാനങ്ങൾ ഇപ്പോൾ സാധാരണ ഷെഡ്യൂൾ അനുസരിച്ച് പ്രവർത്തിക്കുന്നുണ്ടെന്നും, യാത്രക്കാരുടെയും എയർലൈനുകളുടെയും സഹകരണത്തിന് നന്ദിയുണ്ടെന്നും ഡിജിസിഎ വക്താവ് അറിയിച്ചു. ഓപ്പറേഷണൽ സുരക്ഷ ഉറപ്പാക്കുന്നതിനായി കാലാവസ്ഥാ നിരീക്ഷണം തുടരുമെന്നും അധികൃതർ വ്യക്തമാക്കി.

ദൂരക്കാഴ്ച (Visibility) 50 മീറ്ററിൽ താഴെയായി കുറഞ്ഞതിനെ തുടർന്നായിരുന്നു അധികൃതർ വിമാനം വഴിതിരിച്ചുവിടുന്ന നടപടി സ്വീകരിച്ചത്.ബുധനാഴ്ച രാവിലെ വിമാനത്താവളത്തിൽ കനത്ത മൂടൽമഞ്ഞ് അനുഭവപ്പെട്ടതിനെത്തുടർന്ന് വിമാനങ്ങളുടെ ടേക്കോഫും ലാൻഡിംഗും സുരക്ഷിതമല്ലാത്ത അവസ്ഥയിലായിരുന്നു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt