KUWAITVARTHAKAL

തിരുവനന്തപുരം: പ്രവാസികൾക്കായി സംസ്ഥാന സർക്കാർ നടപ്പിലാക്കിയ നോർക്കാ കെയർ ഇൻഷുറൻസ് പദ്ധതിയിൽ അംഗമാകുന്നതിന് ഇനി 5 ദിവസങ്ങൾ മാത്രം ബാക്കി. ഒക്ടോബർ 30 വരെയാണ് പ്രവാസികൾക്ക് ഈ പദ്ധതിയിൽ ചേരാൻ ഇനി അവസരമുള്ളത്. പ്രവാസികളുടെ അഭ്യർഥന മാനിച്ചാണ് സമയപരിധി നീട്ടി നൽകിയതെന്ന് നോർക്ക സി.ഇ.ഒ. അജിത് കൊളശ്ശേരി അറിയിച്ചു. പദ്ധതിക്ക് മികച്ച പ്രതികരണമാണ് ലഭിക്കുന്നത്; ഇതുവരെ 27,000-ൽ അധികം പ്രവാസികൾ ഇൻഷുറൻസ് പരിരക്ഷ ഉറപ്പാക്കിയിട്ടുണ്ട്.

നോർക്കാ കെയർ നൽകുന്ന ആനുകൂല്യങ്ങൾ:

ഈ പദ്ധതിയിലൂടെ പ്രവാസികൾക്ക് ലഭിക്കുന്നത് ആകെ 15 ലക്ഷം രൂപയുടെ പരിരക്ഷയാണ്:

5 ലക്ഷം രൂപയുടെ സമഗ്ര ആരോഗ്യ ഇൻഷുറൻസ് പരിരക്ഷ.

10 ലക്ഷം രൂപയുടെ അപകട ഇൻഷുറൻസ് പരിരക്ഷ.

നോർക്ക പ്രവാസി ഐഡി കാർഡോ, സ്റ്റുഡന്റ് ഐഡി കാർഡോ ഉള്ളവർക്കും മറ്റ് സംസ്ഥാനങ്ങളിൽ നിന്നുള്ള എൻ.ആർ.കെ. കാർഡുള്ളവർക്കും പദ്ധതിയിൽ ചേരാവുന്നതാണ്. രാജ്യത്തെ ഏകദേശം 16,000 ആശുപത്രികളിൽ ഈ പദ്ധതി വഴി ക്യാഷ്‌ലെസ് ചികിത്സാ സൗകര്യം ഉറപ്പാക്കും. പോളിസി എടുത്ത ശേഷം സ്ഥിരമായി നാട്ടിലേക്ക് തിരികെ വരുന്ന പ്രവാസികൾക്കും ഈ പദ്ധതിയുടെ ആനുകൂല്യങ്ങൾ തുടർന്നും ലഭിക്കുമെന്നത് ശ്രദ്ധേയമാണ്. ഒക്ടോബർ 30-നകം അപേക്ഷ സമർപ്പിച്ച് പ്രവാസികൾ ഈ ആനുകൂല്യം പ്രയോജനപ്പെടുത്തണം. ‘നോർക്ക കെയർ’ ഇനി മൊബൈൽ ആപ്ലിക്കേഷനിലൂടെയും ലഭ്യമാകും. നോർക്ക കെയർ ആപ്പ് ഇപ്പോൾ ഗൂഗിൾ പ്ലേസ്റ്റോർ, ആപ്പിൾ ആപ്പ് സ്റ്റോർ എന്നിവയിൽ നിന്ന് ഡൗൺലോഡ് ചെയ്യാം.

ഉടൻ ഡൗൺലോഡ് ചെയ്യൂ :

IPHONE https://apps.apple.com/in/app/norka-care/id6753747852

ANDROID https://play.google.com/store/apps/details?id=com.norkacare_app&pcampaignid=web_share

NORKA ROOT WEBSITE https://norkaroots.kerala.gov.in

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

പുറമെ സാധാരണ വീട്, അകത്ത് ലൈറ്റിങും വെന്‍റിലേഷനും; കുവൈത്തിലെ വീടിനുള്ളില്‍ കണ്ടെത്തിയത് കഞ്ചാവ് കൃഷിത്തോട്ടം

കുവൈത്ത് സിറ്റിയിൽ നിന്ന് ലഭിക്കുന്ന വിവരങ്ങൾ അനുസരിച്ച്, സബാഹ് അൽ-സാലം പ്രദേശത്തെ ഒരു റെസിഡൻഷ്യൽ വീടിനുള്ളിൽ പ്രവർത്തിച്ചിരുന്ന രഹസ്യ കഞ്ചാവ് കൃഷിത്തോട്ടം കുവൈത്ത് സുരക്ഷാ സേന കണ്ടെത്തി. വീടിനുള്ളിൽ ഹൈടെക് സംവിധാനങ്ങളോട് കൂടിയ ഇൻഡോർ കൃഷിയിടം കണ്ടെത്തിയതോടെ, മയക്കുമരുന്ന് ഉൽപാദനത്തിന്റെയും വിതരണത്തിന്റെയും പിന്‍ബലത്തിൽ പ്രവർത്തിച്ചിരുന്ന ‘ബിദൂൻ’ പൗരനെ (പൗരത്വമില്ലാത്ത വ്യക്തി) അറസ്റ്റ് ചെയ്തു.

ആഭ്യന്തര മന്ത്രാലയത്തിൻ്റെ ക്രിമിനൽ സെക്യൂരിറ്റി വിഭാഗത്തിന് കീഴിലുള്ള ജനറൽ ഡിപ്പാർട്ട്‌മെന്റ് ഫോർ ഡ്രഗ് കൺട്രോൾ (GDDC) നടത്തിയ മിന്നൽ റെയ്ഡിലാണ് കഞ്ചാവ് കൃഷിത്തോട്ടം പുറത്തുവന്നത്. നിരവധി ദിവസങ്ങളായി നടന്ന രഹസ്യ നിരീക്ഷണങ്ങളും തെളിവ് ശേഖരണങ്ങളുമാണ് ഈ വൻ കണ്ടെത്തലിന് വഴിതെളിച്ചത്. വീടിനുള്ളിൽ, കഞ്ചാവ് ചെടികൾ വളർത്താൻ പ്രത്യേകമായി രൂപകൽപ്പന ചെയ്ത ലൈറ്റിംഗ് സിസ്റ്റം, താപനില നിയന്ത്രണ ഉപകരണങ്ങൾ, വെന്റിലേഷൻ സംവിധാനങ്ങൾ എന്നിവ കണ്ടെത്തിയതായി അധികൃതർ അറിയിച്ചു. രാജ്യത്ത് മയക്കുമരുന്ന് കൃഷിയും കടത്തും ഇല്ലാതാക്കാൻ ആഭ്യന്തര മന്ത്രാലയം നടത്തുന്ന കർശന കാമ്പെയ്‌ന്റെ ഭാഗമായാണ് ഈ ഓപ്പറേഷൻ നടപ്പിലാക്കിയതെന്ന് വൃത്തങ്ങൾ കൂട്ടിച്ചേർത്തു. അറസ്റ്റ് ചെയ്ത പ്രതിയെ തുടർനടപടികൾക്കായി ബന്ധപ്പെട്ട അധികാരികൾക്ക് കൈമാറിയിട്ടുണ്ട്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

പിന്തുടരും , ഒഴിഞ്ഞ സ്ഥലത്തെത്തിയാൽ മർദിച്ച് കവർച്ച, ലക്ഷ്യം പ്രവാസികൾ; കുവൈത്തിൽ കുട്ടികളുൾപ്പെടുന്ന സംഘം പിടിയിൽ

കുവൈത്ത് സിറ്റി: മലയാളികൾ ഉൾപ്പെടെയുള്ള പ്രവാസികൾ തിങ്ങിപ്പാർക്കുന്ന ജിലീബ് അൽ ശുയൂഖ് പ്രദേശത്ത് പ്രവാസികളെ ലക്ഷ്യമിട്ട് കവർച്ച നടത്തിയിരുന്ന മൂന്നംഗ അറബ് പ്രവാസികളെ ജിലീബ് കുറ്റാന്വേഷണ വിഭാഗം അറസ്റ്റ് ചെയ്തു. രണ്ട് കുട്ടികളും ഒരു മുതിർന്ന വ്യക്തിയും ഉൾപ്പെടുന്ന സംഘമാണ് പിടിയിലായത്.

പ്രവാസികൾക്ക് നേരെയുള്ള കവർച്ച കേസുകൾ വർദ്ധിച്ചതിനെത്തുടർന്ന് ആഭ്യന്തര മന്ത്രാലയം പ്രദേശത്ത് മൊബൈൽ പട്രോളിംഗ് ശക്തമാക്കിയിരുന്നു. ഇതിനെ തുടർന്നാണ് പ്രതികൾ പിടിയിലായത്. പ്രവാസികളെ രഹസ്യമായി പിന്തുടരുകയും, ഇടുങ്ങിയ സ്ഥലങ്ങളിൽ വെച്ച് ഇരകളെ മർദ്ദിക്കുകയും പണവും മൊബൈൽ ഫോണുകളും വിലപിടിപ്പുള്ള വസ്തുക്കളും തട്ടിയെടുക്കുകയുമായിരുന്നു ഇവരുടെ രീതി.

ഇത്തരത്തിൽ മൂന്ന് കവർച്ചകൾ നടത്തിയതായി പ്രതികൾ സമ്മതിച്ചു. തുടർനടപടികൾക്കായി പ്രതികളെയും കവർച്ചമുതലുകളും പബ്ലിക് പ്രോസിക്യൂഷന് കൈമാറി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

കുവൈത്തിൽ നിയമലംഘകർക്ക് പിടിവീഴുന്നു; 23 പ്രവാസികൾ അറസ്റ്റിൽ, ഉടൻ നാടുകടത്തും!

കുവൈത്ത് സിറ്റി: രാജ്യത്തെ താമസ, കുടിയേറ്റ നിയമങ്ങൾ ലംഘിച്ച 23 വിദേശികളെ സുരക്ഷാവിഭാഗം അറസ്റ്റ് ചെയ്തു. വിവിധ രാജ്യക്കാരായ ഇവരുടെ യാത്രാ രേഖകൾ ക്രമീകരിച്ച ശേഷം ഉടൻ തന്നെ നാടുകടത്തുമെന്ന് കുവൈത്ത് പോലീസ് അറിയിച്ചു. രാജ്യത്ത് പരിശോധനകൾ തുടരുമെന്നും, നിയമലംഘകർ എത്രയും പെട്ടെന്ന് അവരുടെ താമസം നിയമപരമാക്കുകയോ അല്ലെങ്കിൽ രാജ്യം വിട്ടുപോകുകയോ ചെയ്യണമെന്നും അധികൃതർ അഭ്യർഥിച്ചു. നിയമലംഘകരെ കണ്ടെത്താനുള്ള ശക്തമായ നടപടികൾ തുടരുമെന്ന മുന്നറിയിപ്പാണ് ഈ അറസ്റ്റ് സൂചിപ്പിക്കുന്നത്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt