KUWAITVARTHAKAL

ഇസ്രയേലും ഇറാനും തമ്മിലുള്ള സൈനിക സംഘർഷം മധ്യപൂർവേഷ്യയിലുടനീളമുള്ള വ്യോമയാന ഗതാഗതത്തെ സാരമായി ബാധിച്ചു. ഇത് ഇത്തിഹാദ് എയർവേയ്‌സ്, ഫ്ലൈദുബായ് തുടങ്ങിയ പ്രമുഖ വിമാനക്കമ്പനികളുടെ നിരവധി ഫ്ലൈറ്റുകൾ റദ്ദാക്കാനും വൈകാനും വഴിതിരിച്ചുവിടാനും കാരണമായി. ആണവ കേന്ദ്രങ്ങൾ, മിസൈൽ ഫാക്ടറികൾ, സൈനിക നേതാക്കൾ എന്നിവരെ ലക്ഷ്യമിട്ടുള്ള വിപുലമായ ആക്രമണ പരമ്പരയുടെ തുടക്കമാണിതെന്ന് ഇസ്രയേൽ ഉദ്യോഗസ്ഥർ വിശേഷിപ്പിച്ച വ്യോമാക്രമണങ്ങളെ തുടർന്നാണ് ഈ പ്രതിസന്ധി.ഇത്തിഹാദ് എയർവേയ്‌സ് അബുദാബിക്കും ടെൽ അവീവിനും ഇടയിലുള്ള രണ്ട് വിമാനങ്ങൾ റദ്ദാക്കുകയും മറ്റ് നാലെണ്ണം വൈകിപ്പിക്കുകയും ചെയ്തു. പ്രവർത്തനപരമായ തടസ്സങ്ങൾ ചൂണ്ടിക്കാട്ടിയാണ് ഈ നടപടി. ടെൽ അവീവിലെ ബെൻ ഗുരിയോൺ വിമാനത്താവളം അടുത്ത അറിയിപ്പ് വരെ അടച്ചതും ഇസ്രയേലിന്റെ വർധിച്ച വ്യോമപ്രതിരോധ ജാഗ്രതയും കാരണം ഇവൈ595 എയുഎച്-ടിഎൽവി, ഇവൈ596 ടിഎൽവി-എയുഎച് എന്നീ വിമാനങ്ങൾ റദ്ദാക്കുകയും ഇവൈ593/ഇവൈ594, ഇവൈ597/ഇവൈ598 എന്നീ വിമാനങ്ങൾക്ക് കാലതാമസം നേരിടുകയും ചെയ്തു.

ബാധിക്കപ്പെട്ട യാത്രക്കാർക്ക് മറ്റ് യാത്രാ സൗകര്യങ്ങൾ ഒരുക്കുന്നതായി ഇത്തിഹാദ് അറിയിച്ചു. അമ്മാൻ, ബെയ്റൂട്ട്, ദമാസ്കസ്, ഇറാൻ, ഇസ്രയേൽ എന്നീ അഞ്ച് ലക്ഷ്യസ്ഥാനങ്ങളിലേക്കുള്ള സർവീസുകൾ നിർത്തിവച്ചതായി ഫ്ലൈദുബായ് പ്രഖ്യാപിച്ചു. ഇറാനിലെയും ഇസ്രായേലിലെയും വ്യോമപാത താൽക്കാലികമായി അടച്ചതിനെ തുടർന്ന് സുരക്ഷാ മുൻകരുതലുകളുടെ ഭാഗമായി ഒട്ടേറെ ഫ്ലൈദുബായ് റൂട്ടുകൾ വഴിതിരിച്ചുവിടുകയോ യാത്രയ്ക്കിടെ മടങ്ങാൻ നിർബന്ധിതമാവുകയോ ചെയ്തു.വിമാനക്കമ്പനി സ്ഥിതിഗതികൾ സൂക്ഷ്മമായി നിരീക്ഷിക്കുകയും യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കാൻ ഷെഡ്യൂൾ ക്രമീകരിക്കുകയും ചെയ്യുന്നുണ്ടെന്ന് പ്രസ്താവനയിൽ പറഞ്ഞു. പ്രാദേശിക സുരക്ഷാ സാഹചര്യത്തിൽ വലിയ മാറ്റം വന്നതിനെത്തുടർന്ന് ഇന്ന്(വെള്ളി) പുലർച്ചെ ഇസ്രയേൽ ഓപറേഷൻ ആരംഭിച്ചതിന് ശേഷം ഇസ്രയേൽ, ഇറാൻ, ഇറാഖ് എന്നിവിടങ്ങളിലെ വ്യോമപാതയിൽ നിന്ന് വാണിജ്യ വിമാനങ്ങൾ കൂട്ടത്തോടെ ഒഴിഞ്ഞുപോകുന്നതായി ഫ്ലൈറ്റ്റഡാർ24-ലെ ഡേറ്റ കാണിക്കുന്നു.

ബെൻ ഗുരിയോൺ വിമാനത്താവളം അടുത്ത അറിയിപ്പ് വരെ അടച്ചിടുകയും ഇറാൻ തങ്ങളുടെ വ്യോമപാത അടച്ചതായി പ്രഖ്യാപിക്കുകയും ഇറാഖ് താൽക്കാലികമായി എല്ലാ വിമാനത്താവളങ്ങളിലെയും പ്രവർത്തനങ്ങൾ നിർത്തിവയ്ക്കുകയും ചെയ്തു. പ്രധാന രാജ്യാന്തര കാരിയറുകളെയും ഇത് ബാധിച്ചു. മാഞ്ചസ്റ്ററിൽ നിന്നുള്ള എമിറേറ്റ്സ് വിമാനം ഇസ്താംബുളിലേക്ക് വഴിതിരിച്ചുവിടുകയും ബെൽഗ്രേഡിൽ നിന്നുള്ള ഫ്ലൈദുബായ് വിമാനം അർമേനിയയിലെ യെരെവാനിലേക്ക് വഴിതിരിച്ചുവിടുകയും ചെയ്തു.

വാഷിങ്ടൻ, ടൊറന്റോ, ലണ്ടൻ എന്നിവിടങ്ങളിൽ നിന്നുള്ള സർവീസുകൾ ഉൾപ്പെടെ 15ലേറെ രാജ്യാന്തര വിമാനങ്ങൾ ഇറാനിയൻ വ്യോമപാത അടച്ചതിനെത്തുടർന്ന് വിയന്ന, ഫ്രാങ്ക്ഫർട്ട്, ജിദ്ദ തുടങ്ങിയ സുരക്ഷിതമായ വിമാനത്താവളങ്ങളിലേക്ക് എയർ ഇന്ത്യയും വഴിതിരിച്ചുവിട്ടതായി റിപ്പോർട്ട് ചെയ്തു. 2023 ഒക്ടോബറിൽ ആരംഭിച്ച ഇസ്രായേൽ-പലസ്തീൻ സംഘർഷത്തെത്തുടർന്നുണ്ടായ മാസങ്ങളായി വർധിച്ചുവരുന്ന അസ്ഥിരതയ്ക്ക് പിന്നാലെയാണ് ഈ പുതിയ സംഘർഷം. പറക്കലിനിടെ മിസൈൽ പ്രവർത്തനങ്ങൾക്ക് സാക്ഷ്യം വഹിച്ചതായി വാണിജ്യ പൈലറ്റുമാർ റിപോർട്ട് ചെയ്തിട്ടുണ്ട്.

ഡ്രോൺ തടസ്സപ്പെടുത്തലുകൾ കോക്ക്പിറ്റിൽ നിന്ന് കാണാൻ കഴിയുന്നത്ര അടുത്തായിരുന്നു എന്നും ചിലർ അറിയിച്ചു. ആളുകൾ യാത്ര പുറപ്പെടുന്നതിന് മുൻപ് വിമാനക്കമ്പനികളുമായോ ബുക്കിങ് ഏജന്റുമാരുമായോ ബന്ധപ്പെട്ട് തങ്ങളുടെ വിമാനത്തിന്റെ നിലവിലെ വിവരങ്ങൾ ഉറപ്പുവരുത്തണമെന്ന് എയർലൈനുകൾ നിർദ്ദേശിക്കുന്നു. സ്ഥിതിഗതികൾ മാറിക്കൊണ്ടിരിക്കുന്നതിനാൽ കൂടുതൽ മാറ്റങ്ങളോ തടസ്സങ്ങളോ ഉണ്ടാകാൻ സാധ്യതയുണ്ട്.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx

തിരിച്ചടിച്ച് ഇറാൻ; ഇസ്രായേലിലേക്ക് ഡ്രോൺ ആക്രമണം; ആക്രമണം നടത്തിയത് 200 യുദ്ധവിമാനങ്ങളെന്ന് ഇസ്രയേൽ

മൂല്യം അറിഞ്ഞ് നാട്ടിലേക്ക് പണം അയയ്ക്കാം; ഇന്നത്തെ കുവൈത്ത് ദിനാർ – രൂപ വിനിമയ നിരക്ക് ഇപ്രകാരം