കുവൈറ്റിൽ ആഭ്യന്തര മന്ത്രാലയം ജലീബ്, മഹ്ബുള്ള എന്നിവിടങ്ങളിൽ നടത്തിയ സുരക്ഷാ പരിശോധനയിൽ 80 നിയമ ലംഘകരെ അറസ്റ്റ് ചെയ്തു. കാമ്പെയ്‌നിനിടെ, മഹ്ബൂല ഏരിയയിൽ പൊതു സദാചാര ലംഘനം ആരോപിച്ച് 29 പുരുഷന്മാരെയും, സ്ത്രീകളെയും, ജ്ലീബ് അൽ ഷുയൂഖ് ഏരിയയിൽ വിവിധ ലംഘനങ്ങളുമായി ബന്ധപ്പെട്ട് 51 പേരെയും അറസ്റ്റ് ചെയ്തു. നിയമലംഘകരെയും, വേണ്ടപ്പെട്ടവരെയും പിടികൂടുന്നതിനായി രാജ്യത്തിന്റെ വിവിധ പ്രദേശങ്ങളിൽ, പ്രത്യേകിച്ച് ജ്ലീബ്, മഹ്ബൂല മേഖലകളിൽ ദിവസേനയുള്ള സുരക്ഷാ കാമ്പെയ്‌നുകൾ തുടരുമെന്ന് ജനറൽ അഡ്മിനിസ്ട്രേഷൻ ഓഫ് റിലേഷൻസ് ആൻഡ് സെക്യൂരിറ്റി മീഡിയ അറിയിച്ചു. എല്ലാ പൗരന്മാരോടും താമസക്കാരോടും സുരക്ഷാ സേനയുമായി സഹകരിക്കണമെന്നും റെസിഡൻസി നിയമത്തിന്റെ ഏതെങ്കിലും ലംഘനം മറച്ചുവെക്കരുതെന്നും ഉദ്യോഗസ്ഥർ ആവശ്യപ്പെട്ടു. വെള്ളിയാഴ്ച നടന്ന സമാനമായ പ്രചാരണത്തിനിടെ 394 നിയമ ലംഘകരെ സുരക്ഷാ ഉദ്യോഗസ്ഥർ ജിലീബ്, മഹ്ബുള്ള പ്രദേശങ്ങളിൽ നിന്ന് അറസ്റ്റ് ചെയ്തു. കുവൈറ്റിലെ വാർത്തകളും വിശേഷങ്ങളും അറിയാൻ വാട്സാപ്പ് ലിങ്കിൽ ക്ലിക്ക് ചെയ്യുക https://chat.whatsapp.com/D3znqgZ8RVP7ZtyZCSJ8BD
