2022 ലണ്ടൻ ഇന്റർനാഷണൽ ഹണി മത്സരത്തിൽ 5 തരം ബി-ഓർഗാനിക് തേനുകൾക്ക് സ്വർണ്ണ മെഡലുകൾ നേടി ശ്രദ്ധേയമായ നേട്ടം കൈവരിച്ച് കുവൈറ്റ്. പരിസ്ഥിതി മേഖലയിലെയും പ്രകൃതിദത്ത തേൻ വ്യവസായത്തിലെയും പ്രവർത്തകനായ ഡോ. ഈസ അൽ-ഇസ ആണ് ഈക്കാര്യം അറിയിച്ചത്.
ഈ മഹത്തായ വിജയം കുവൈറ്റിന്റെ കൂടുതൽ പുരോഗതിയല്ലാതെ മറ്റൊന്നുമല്ലെന്ന് അൽ-ഇസ്സ പറഞ്ഞു. വിശിഷ്‌ട തേനീച്ച ഇനങ്ങളിലെ ബി-ഓർഗാനിക് തേനുകളുടെ ഗുണമാണ് ഈ നേട്ടത്തിന് കാരണം.

തേനീച്ചക്കൂടുകൾക്ക് ചുറ്റും നൂറുകണക്കിന് മരങ്ങൾ നട്ടുപിടിപ്പിച്ചു, കൂടാതെ ശ്രദ്ധാപൂർവ്വം തേൻ തിരഞ്ഞെടുത്തു, തുടർന്ന് ഉയർന്ന അന്തർദ്ദേശീയ നിലവാരത്തിൽ തേൻ സംഭരിക്കുകയും പായ്ക്ക് ചെയ്യുകയും ചെയ്തുവെന്നും അദ്ദേഹം വിശദീകരിച്ചു.
മെഡലുകൾ നേടിയ കുവൈറ്റ് സിദ്ർ, സ്പ്രിംഗ് ഫ്ളവർസ് തേൻ, യൂക്കാലിപ്റ്റസ്, വില്ലോ തേൻ, യെമനി അൽ-ഒസൈമി സിദ്ർ തേൻ, അക്കേഷ്യ തേൻ, എന്നിങ്ങനെ വിവിധ തരത്തിലുള്ള തേനുകളാണ് ഉത്പാദിപ്പിക്കുന്നത്. കുവൈറ്റിലെ വാര്‍ത്തകളും വിശേഷങ്ങളും അറിയാന്‍ വാട്‌സ്ആപ്പ് ലിങ്കില്‍ ക്ലിക്ക് ചെയ്യുക https://chat.whatsapp.com/JELqdROJ3yH8vFB99zDpu8