KUWAITVARTHAKAL

കുവൈത്തിൽ ട്രാഫിക് നിയമങ്ങൾ കർശനമായി നടപ്പിലാക്കുന്നതിനും റോഡ് സുരക്ഷ ശക്തിപ്പെടുത്തുന്നതിനുമായി ജനറൽ ട്രാഫിക് ഡിപ്പാർട്ട്‌മെന്റ് ശക്തമായ ഫീൽഡ് ക്യാമ്പെയിൻ തുടരുന്നു. ഏകദേശം 48 മണിക്കൂർ നീണ്ടുനിന്ന ഇതിവൃത്തത്തിൽ ഗുരുതരമായ നിയമലംഘനങ്ങളുടെ അടിസ്ഥാനത്തിൽ 149 വാഹനങ്ങൾ പിടിച്ചെടുത്തതായി അധികൃതർ അറിയിച്ചു.
ക്യാമ്പയിനിനിടെ മൊബൈൽ റഡാർ രേഖപ്പെടുത്തിയ ഏറ്റവും വലിയ നിയമലംഘനങ്ങളിൽ ഒന്നാണ് മണിക്കൂറിൽ 191 കിലോമീറ്റർ വേഗതയിൽ ഓടിച്ച വാഹനമെന്ന് റിപ്പോർട്ട്. ഇത്രയും ഉയർന്ന വേഗതയിൽ വാഹനം ഓടിച്ച ഡ്രൈവറെ അധികൃതർ അറസ്റ്റ് ചെയ്തിട്ടുണ്ട്.
ദേശത്തുടനീളം അപകടങ്ങൾ കുറയ്ക്കുകയും സുരക്ഷിതമായ യാത്രാ രീതികൾ ഉറപ്പാക്കുകയും ചെയ്യുന്നതിനുള്ള ട്രാഫിക് വകുപ്പിന്റെ തുടര്‍ ശ്രമങ്ങളുടെ ഭാഗമായാണ് ഈ പരിശോധനകൾ ശക്തിപ്പെടുത്തിയിരിക്കുന്നത്. ട്രാഫിക് നിയമങ്ങൾ ലംഘിക്കുന്നവർക്കെതിരെ ഇനിയും കടുത്ത നടപടികളുണ്ടാകുമെന്ന് അധികൃതർ മുന്നറിയിപ്പും നൽകി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

കുവൈറ്റിൽ പള്ളികളിലെ ജീവനക്കാർക്ക് പുതിയ നിർദ്ദേശങ്ങൾ; സർക്കുലർ പുറപ്പെടുവിച്ചു

കുവൈറ്റിലെ പള്ളികളിൽ ജോലി ചെയ്യുന്ന ജീവനക്കാർക്കായി പുതിയ നിർദേശങ്ങൾ പുറത്തിറക്കിയതായി ഇസ്ലാമികകാര്യ മന്ത്രാലയം അറിയിച്ചു. എല്ലാ പള്ളി ജീവനക്കാരും നിർബന്ധമായും ഔദ്യോഗിക ജോലി സമയം പാലിക്കണം എന്നും ചുമതലകൾ നിർവഹിക്കുന്ന സമയത്ത് ദേശീയ വസ്ത്രം ധരിക്കണം എന്നും മന്ത്രാലയം പുറത്തിറക്കിയ സർക്കുലറിൽ വ്യക്തമാക്കുന്നു. ഇസ്ലാമികകാര്യ മന്ത്രാലയത്തിന്റെ ആക്ടിംഗ് അണ്ടർ സെക്രട്ടറിയായ സുലൈമാൻ അൽ സുവൈലം ഒപ്പുവെച്ച സർകുലർ രാജ്യത്തെ ഇമാമുകൾ, പ്രാസംഗകർ, മുഅദ്ദീനുകൾ ഉൾപ്പെടെ എല്ലാ മത ഉദ്യോഗസ്ഥർക്കും ബാധകമാണ്.

മത സ്ഥാപനങ്ങളുടെ പ്രവർത്തനം ക്രമീകരിതവും കാര്യക്ഷമവുമാക്കുന്നതിനാണ് കർശന നിർദ്ദേശങ്ങൾ പുറത്തിറക്കിയതെന്ന് മന്ത്രാലയം വ്യക്തമാക്കി. ഔദ്യോഗിക സമയം പാലിക്കൽ ഒരു പ്രധാന ഉത്തരവാദിത്വമാണെന്നും അതിൽ ഊർജ്ജിത ശ്രദ്ധ ആവശ്യമാണ് എന്നും സർക്കുലറിൽ ചൂണ്ടിക്കാട്ടുന്നു.
സർക്കുലറിലെ നിർദ്ദേശങ്ങൾ ലംഘിക്കുന്നവർക്കെതിരെ നിയമപരമായ നടപടി സ്വീകരിക്കുമെന്ന് മന്ത്രാലയം മുന്നറിയിപ്പ് നൽകി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt

എല്ലാം ക്ലിയർ; മുടൽ മഞ്ഞ് കുറഞ്ഞു, കുവൈത്ത് വിമാനത്താവളത്തിന്റെ പ്രവർത്തനം സാധാരണനിലയിൽ

കുവൈറ്റ് സിറ്റി: കനത്ത മൂടൽമഞ്ഞിനെ തുടർന്ന് കുവൈറ്റ് അന്താരാഷ്ട്ര വിമാനത്താവളത്തിൽ നിന്നുള്ള നിരവധി വിമാനങ്ങൾ താത്കാലികമായി വഴിതിരിച്ചുവിട്ടിരുന്നു, എന്നാൽ പിന്നീട്, കാലാവസ്ഥ മെച്ചപ്പെടുകയും ദൂരക്കാഴ്ച വർദ്ധിക്കുകയും ചെയ്തതോടെ കുവൈറ്റ് സിവിൽ ഏവിയേഷൻ ഡയറക്ടറേറ്റ് ജനറൽ (DGCA) വിമാനത്താവളത്തിലെ വ്യോമഗതാഗതം പുനരാരംഭിച്ചു.

വിമാനങ്ങൾ ഇപ്പോൾ സാധാരണ ഷെഡ്യൂൾ അനുസരിച്ച് പ്രവർത്തിക്കുന്നുണ്ടെന്നും, യാത്രക്കാരുടെയും എയർലൈനുകളുടെയും സഹകരണത്തിന് നന്ദിയുണ്ടെന്നും ഡിജിസിഎ വക്താവ് അറിയിച്ചു. ഓപ്പറേഷണൽ സുരക്ഷ ഉറപ്പാക്കുന്നതിനായി കാലാവസ്ഥാ നിരീക്ഷണം തുടരുമെന്നും അധികൃതർ വ്യക്തമാക്കി.

ദൂരക്കാഴ്ച (Visibility) 50 മീറ്ററിൽ താഴെയായി കുറഞ്ഞതിനെ തുടർന്നായിരുന്നു അധികൃതർ വിമാനം വഴിതിരിച്ചുവിടുന്ന നടപടി സ്വീകരിച്ചത്.ബുധനാഴ്ച രാവിലെ വിമാനത്താവളത്തിൽ കനത്ത മൂടൽമഞ്ഞ് അനുഭവപ്പെട്ടതിനെത്തുടർന്ന് വിമാനങ്ങളുടെ ടേക്കോഫും ലാൻഡിംഗും സുരക്ഷിതമല്ലാത്ത അവസ്ഥയിലായിരുന്നു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt